Fréttir

Hér á síðunni má finna svipmyndir frá jólaballi á Litlu jólum Brekkuskóla 2012.    Spjall við jólasveinana - myndskeið

Mánudaginn 17. desember verður jólaball í Brekkuskóla fyrir börn í 1. - 4. bekk. Ballið verður frá kl. 16:00- 17:30. Aðgangseyrir verður 500 kr. Mandarína og safi fylgja með :-) Endilega mætið með jólasveinahúfur! 10. bekkur Brekkuskóla

Ný verðskrá er komin á matar-, mjólkur- og ávaxtaáskrift sem tekur gildi 1. janúar 2013 Stök máltíð 501 kr. Annaraskrift 371 kr. Áskrift á mjólk 2.650 kr. Áskrift á ávöxt (heill) 6.042 kr. Ný verðskrá er einnig komin fyrir frístund sem tekur gildi 1. janúar 2013 Skráningargjald (20 klst.) 6.600 kr. Hver klukkustund umfram það kostar 330 kr.

Miðvikudaginn 19. desember verður tilbreytingadagur í Brekkuskóla eins og fram kemur á skóladagatali. Þennan dag fylgja nemendur aldursblönduðum hópi og fara á fjórar mismunandi "spila og leikjastöðvar" milli kl. 8 og 11:20. Eftir það fara nemendur til umsjónarkennara í heimastofu. Þar verða þau þangað til kemur að mat og fara svo í Frístund eða heim á eftir. Opið er í Frístund þennan dag frá kl. 12:10. Skólabíll fer kl. 12:45 frá skólanum.

Fréttabréf desembermánaðar er komið út. Helsta efni að þessu sinni er niðurstaða samræmdra prófa, skipulag litlu jóla, skákkennsla, rafrænt nám að ógleymdum matseðli mánaðarins. Fréttabréfið má nálgast hér.

Kennt er samkvæmt aðferðafræði Skema og fléttað inn í kennsluna söguborðum, hugarkortum, smá sálfræði út frá virkni heilans og fræðslu um þau jákvæðu áhrif sem kennsla í forritun getur haft á börn. Þátttakendur munu sjá forrit verða að veruleika og upplifa hvað forritun getur verið skemmtileg auk þess hvernig hún getur nýst inn í aðrar námsgreinar. Hægt er að finna leiðbeiningar um hvernig Alice forritunarumhverfið er sótt á youtube.com/skemaeducation (Opnast í nýjum vafraglugga).

Spurningakeppni grunnskólanna fer fram miðvikudaginn 28. nóvember kl. 17:00 í sal Brekkuskóla. Níu lið keppa að þessu sinni, tvö lið í einu. Nánari tímasetningar eru áætlaðar sem hér segir: Brekkuskóli, Hríseyjarskóli, Dalvíkurskóli og Oddeyrarskóli eru klukkan 17:00 Síðuskóli, Naustaskóli, Grenivíkurskóli og Glerárskóli rúmlega 18:00 Reikna má með að tímasetningar standist ekki alveg. Í fyrra var keppnin búin um kl. 21:00 Lið Brekkuskóla skipa: Halldór Heiðberg Stefánsson Jóhannes Stefánsson Margrét S. Benediktsdóttir Áfram Brekkuskóli! Ætlar þú að mæta? Enginn aðgangseyrir. Sjoppa 10. bekkinga verður opin.

Comeniusarverkefnið okkar þetta skólaárið hefur fengið lógó sem hér birtist. Lógóið er búið til af nemendum í samstarfsskólanum í Izmir í Tyrklandi. Einnig hefur verið sett upp vefsíða fyrir verkefnið þar sem upplýsingar um verkefnið og verk nemenda munu birtast. Vefurinn er hér, en einnig hér neðar á forsíðu vefsíðu Brekkuskóla.

Brekkuskóli tók þátt í verkefninu "Göngum í skólann" að venju, en þetta er í sjötta sinn sem verkefnið er haldið. Það voru 7. EJ og 6. ÞG sem stóðu sig best þetta skólaárið, en 6. ÞG vann einnig í fyrra. Þau fá að launum gullskóna góðu til varðveislu og deila bekkirnir með sér vörslunni. Þau fengu einnig sippuband, snú-snú band og bolta til afnota í frímínútum, en verðlaunin voru gefin af samstarfshópnum um Göngum í skólann. Nemendum og starfsfólki eru færðar kærar þakkir fyrir þátttökuna og góðan árangur. Öll erum við síðan hvött til að taka þátt í næsta átaksverkefni sem hefst 6. febrúar og nefnist "Lífshlaupið". Nánar um verkefnið á www.gongumiskolann.is Bekkur Gangandi/Hjólandi Akandi 2. bekkur 93% 7% 4. bekkur 92% 8% 5. bekkur 95% 5% 6. bekkur 98% 2% 7. bekkur 98% 2% 8. bekkur 89% 11% 10. bekkur 80% 20%  Meðalt. 92% 7,9%

Morgunmóttaka hjá 5. bekk verður þriðjudaginn 4.desember kl. 08:00 - 09:00. Brauðbollur og kaffi selt í matsal samkvæmt venju. Sjáumst í skólanum!