Fréttir

Lokaæfingar (Generalprufur) verða deginum áður, miðvikudaginn 7. nóvember sem hér segir: 08:20    3. bekkur 08:40    2. bekkur 09:00    1. bekkur 09:20    7. - 8. bekkur 10:00    5. bekkur 10:30    10. bekkur 11:40     4. bekkur 12:30    9. bekkur Foreldrar sem alls ekki sjá sér fært að mæta á árshátíðardaginn er velkomið að koma og horfa á lokaæfingur þennan dag. Sjáumst í skólanum! Nemendur og starfsfólk Brekkuskóla

Í samráði við foreldrafélag skólans er skipulag foreldrastarfs í Brekkuskóla er með þeim hætti að mælst er til að hver árgangur standi fyrir þremur uppákomum yfir veturinn. Foreldrar skiptu sér á haustdögum í þrjá hópa og hver hópur sér um eina uppákomu fyrir allan árganginn. Viðmiðið er að fyrsta uppákoman sé í október/nóvember, næsta uppákoma sé í janúar/febrúar og sú síðasta í mars/apríl.  Í hverjum hópi er eru foreldrar eins barns ábyrgir fyrir að kalla hópinn saman og eru þeir gulmerktir í skjalinu hér að neðan. Að öðru leyti bera foreldrar jafna ábyrgð á framkvæmd atburðanna. Ef sá sem á að kalla hópinn saman gleymir sér bera hinir í hópnum ábyrgð á að minna hann á eða boða til fundar. Nú er fyrsta tímabil foreldrastarfs hálfnað. Nálgast má lista yfir foreldrahópana þrjá í hverjum árgangi hér.

Árshátíð Brekkuskóla verður fimmtudaginn 8. nóvember næstkomandi og verður hún með hefðbundnu sniði. Hér nálgast þú DAGSKRÁ Sýningar og ýmsar uppákomur verða víðs vegar um skólann. Hin vinsæla “ævintýraveröld” með hlutaveltu, tívolíþrautum, draugahúsi, spákonu, andlitsmálun, bíó o.fl. verður á sínum stað. Að venju er það 6. bekkur sem sér um ævintýraveröldina þar sem safna fyrir ferð að Reykjum á næsta skólaári.

Auglýsing frá 10. bekk Hrekkjavökuball verður miðvikudaginn 24. október kl. 18:30-21:00 í Brekkuskóla fyrir 5. - 7. bekk. Dans, leikir og verðlaun fyrir flottasta búninginn. Aðgangseyrir er 500 kr. Popp og Svali fylgja aðgangseyri. 10.bekkur

Auglýsing frá 10. bekk Hrekkjavökuball verður þriðjudaginn 23. október kl. 16-18 í Brekkuskóla. Dans, leikir og verðlaun fyrir flottasta búninginn. Aðgangseyrir er 500 kr. Popp og Svali fylgja aðgangseyri. (Miði var sendur heim með nemendum sl. föstudag) 10.bekkur

Þeir nemendur í 8. - 10. bekk sem fá þátttöku í félagsstarfi eða sérskólanámi viðurkennda í stað valgreinar (eru með "metið val" á stundaskrá), þurfa að skila inn staðfestingu þess efnis frá forráðamanni og fulltrúa félags eða sérskóla.

Frá foreldrafélaginu. Fundur verður haldinn um deiliskipulag á svæðinu við Brekkuskóla mánudaginn 22. okt. kl 20:00 í Brekkuskóla. Fundarefni eru tillaga skipulagsdeildar og tillagan "börn og bílastæði" frá  Arnari Má Arngrímsyni og Pétri Halldórsyni sem sjá má í Akureyri vikublað. Semja texta til að senda inn sem athugunasemd við það  deiliskipulag sem nú er í umsögn. En skila þarf umsögnum fyrir þann 24. okt. Við hvetjum alla foreldra sem þetta varðar og vilja hag  barna sinna sem mestan til að mæta http://www.akureyrivikublad.is/lesa/2.arg/40tbl_2argangur_Akureyri-vikublad.pdf http://www.akureyri.is/static/files/Skipulagsdeild/Deiliskipulog/Brekkuskoli_sept2012/Brekkusk_uppd.pdf http://www.akureyri.is/static/files/Skipulagsdeild/Deiliskipulog/Brekkuskoli_sept2012/Brekkusk_greinarg.pdf Kveðja  Jóhann Gunnarsson formaður foreldrafélags Brekkuskóla

Brekkuskóli tók þátt í verkefninu TækniFæri í boði Samtaka Upplýsingatæknifyrirtækja (SUT) þar sem nemendur í 7. bekk tóku fyrstu skrefin í forritun með Skema. Skema þakkar starfsfólki og nemendum Brekkuskóla fyrir skemmtilegan og kraftmikinn dag þar sem starfsfólk, fræðslustjóri og nemendur forrituðu saman :) Ekkert smá gaman að sjá hvað Brekkuskóli á Akureyri er tilbúinn að taka á móti tækninni.- Rakel Sölvadóttir Fleiri myndir frá námskeiðinu hér Viðtal við Rakel Sölvadóttur á mbl.is í dag 8. október

Fræðsluerindi um einelti, forvarnir og úrvinnslu eineltismála verður haldið 11. október í Félagsheimili KFUM og KFUK Sunnuhlíð 12 kl. 16.30 – 18.00. Fyrirlesari er Kolbrún Baldursdóttir sálfræðingur og höfundur EKKI MEIR, EKKI MEIR sem er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn. Allir velkomnir! Kynningarbréf

Landsmót Samfés hefst á Ísafirði á föstudaginn 5. október og stendur í þrjá daga. Frá Akureyri fara fulltrúar úr öllum skólum alls 36 ungmenni sem öll starfa í félagsmiðstöðvaráðum og sækja valgreinina félagsmálafræði á vegum félagsmiðstöðvanna. Von er á um 400 unglingum á aldrinum 13-16 ára frá félagsmiðstöðvum víðsvegar af landinu.