Fréttir

Ýmsar breytingar fylgja því að fara úr 7. bekk í þann 8. Ein stærsta breytingin er í því fólgin að á unglingastigi er hluti kennslustunda val nemenda þar sem valið er á milli kjörsviðsgreina.

Frá og með mánudeginum 7. maí færum við íþróttakennsluna út úr íþróttahúsunum og njótum sumarkomunnar á skólalóð og nærliggjandi svæðum. Mikilvægt er að nemendur komi klæddir til íþróttaiðkunnar og eftir veðri.  Búnings- og sturtuaðstaða er áfram í boði í Íþróttahöllinni. Kv.  Jói, Kári og Sigfríð íþróttakennarar

Halldór Gunnar Pálsson, Önfirðingur og kórstjóri Fjallabræðra er um þessar mundir að vinna að stóru verkefni sem „vonandi mun bera mig hringinn í kringum landið,“ eins og hann hefur orðað sjálfur.

Það er líf og fjör í Brekkuskóla þessa dagana. Litlu Ólympíuleikarnir eru haldnir hátíðlegir. Mánudaginn 22. apríl var setning með viðhöfn í Íþróttahöllinni og síðan tóku við tveir keppnisdagar þar sem keppendur fara á milli 10 stöðva. Hverjum árgangi er skipt upp í átta lönd: Danmörk, Frakkland (Guadeloupe), Bretland, Ísland, Spánn, Ítalía (Gallarate og Sikiley) og Tyrkland. Þetta skemmtilega verkefni er liður í þátttöku skólans í Comeniusarverkefni sem byggir á heilsueflingu og hreyfingu.

Skólanefnd Akureyrarbæjar hefur frá árinu 2010 veitt einstaklingum og/eða stofnunum sem skarað hafa fram úr í skólastarfi viðurkenningar. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur.

Í morgun var vöfflukaffi í morgunmóttöku 1. bekkjar þar sem þau fagna sumri á morgun. Í morgunmóttökunni sungu nemendur fyrir foreldra sína og áttu með þeim notalega stund í skólanum. Eftir morgunmóttökuna fóru nemendur ásamt kennurum og stuðningsfólki síðan í vettvangsferð í leikhúsið. Sjá myndir hér frá morgunmóttökunni.

 Á sumardagurinn fyrsta, 19. apríl, er ekki skóli og föstudaginn 20. apríl er starfsdagur og nemendur því áfram í fríi. Frístund er opin frá kl. 08:00 á starfsdeginum 20. apríl. Starfsfólk Brekkuskóla óskar nemendum og fjölskyldum þeirra gleðilegs sumars.

Veðrið kallar á nemendur Brekkuskóla út og í þýskuvali var kennslan utandyra í dag. Kennari í þýsku er Stella R. Gústafsdóttir en nemendurnir eru úr 8. - 10. bekk.  Myndir hér.

Skólaskákmót Brekkuskóla var háð 20. mars. Keppendur voru fáir, en þeim mun drengilegar barist. Að líkum hafði Andri Freyr Björgvinsson nokkra yfirburði á mótinu, nýkominn af Alþjóðlega Reykjavíkurskákmótinu þar sem hann náði frábærum árangri.

Morgunmóttaka í 5. bekk fer fram föstudaginn 30. mars kl. 08:00 - 09:00. Hún fer þannig fram að foreldrar eru boðnir sérstaklega velkomnir í skólann í óformlega móttöku að morgni. Í matsal eru seldar brauðbollur og kaffi sem 6. bekkur selur til styrkjar skólaferðalagi þeirra í vor. Kynning á samfélagsfræðiverkefni 5. bekkja fer fram á sal skólans. Kennslustofur nemenda eru opnar á meðan á heimsókn stendur.