Fréttir

Skákdagurinn verður haldinn um allt land fimmtudaginn 26. janúar - á afmælisdegi fyrsta stórmeistara Íslendinga Friðriks Ólafssonar.   Á Skákdeginum verður teflt um allt Ísland, til sjávar og sveita. Taflfélög, skákklúbbar, grunnskólar, fyrirtæki, sundlaugar og fleiri sameinast um að það verði teflt sem víðast á Íslandi og sem flestir landsmenn á öllum aldri setjist að tafli. Stefán Kristjánsson nýjasti stórmeistari Íslendinga og Bragi Þorfinnsson landsliðsmaður munu tefla 100 skáka hraðskákeinvígi í Kringlunni. Hjörvar Steinn Grétarsson landsliðsmaður mun tefla við þjóðina gegnum netið. Skákdagurinn verður settur þegar alþjóðlegi meistarinn Björn Þorfinnsson teflir fjöltefli ofan í Laugardalslaug. Allt um Skákdaginn Í Brekkuskóla er búið að draga fram öll töfl sem til eru og ætlum við að helga daginn skáklistinni með umræðum um íþróttina og með því að tefla.

Brekkuskóli fékk stóran hóp í heimsókn í dag frá leikskólanum Hólmasól sem er samstarfsleikskóli Brekkuskóla. Væntanlegir nemendur frá öðrum leikskólum komu einnig í heimsókn og voru gestirnir samtals um 40 talsins. Hópurinn fékk kynningu á skólahúsnæðinu og Frístund í þessari fyrstu heimsókn. Þökkum við þeim öllum kærlega fyrir komuna og hlökkum til að hitta þau aftur í marsmánuði. Nálgast má myndir frá heimsókninni hér.

Upplýsinga- og samskiptatækni verður sífellt meira áberandi í umræðunni um skólamál. Hér í Brekkuskóla gerðum við þarfagreiningu meðal kennara á þeim búnaði sem þeir óska eftir að geta nýtt í kennslu sem tekið var mið af við búnaðakaup fyrir nemendur.

Myndir af textílverkefnum nemenda frá haustönn eru komnar inn í myndagalleríið okkar sem finna má hér á síðunni. Einnig eru nokkrar myndir frá þemadeginum 19. desember þar sem nemendur m.a. unnu verkefni með pappírsbroti.

Nú í janúar 2012 fara allir skólar á Akureyri af stað með sameiginlegan matseðil. Slóðin á matseðlana má nálgast hér.  Þar birtist 7 vikna matseðill, ásamt uppskriftum og sýnishorni af næringarútreikningi. Handbók Lýðheilsustöðvar um skólamötuneyti má nálgast hér.

Desemberfréttabréf Brekkuskóla er komið út. Hægt er að nálgast það hér.

1. bekkur ásamt fleiri bekkjum heimsóttu Minjasafnið nú nýverið með kennurum sínum. Þar kennri margra grasa og gott ef ekki glittir í Grýlu kerlingu á einni myndinni sem tekin var...eða hvað? Lítið við í myndasafninu hér.

Söngur sal var í boði hér í Brekkuskóla á lýðveldisdaginn okkar Íslendinga hér í Brekkuskóla. Hér finna nokkrar myndir. Líklega er erfitt fyrir íslensk börn að hugsa sér að við Íslendingar höfum einhvern tíma haft kóng í stað forseta. Þó eru ekki nema tæp 60 ár síðan við yfirgáfum danska kóngsríkið sem við höfðum tilheyrt síðan á 14. öld. Þetta gerðist árið 1944 þegar við stofnuðum lýðveldi hér á landi og kusum okkur forseta í fyrsta sinn. En þá höfðum við verið „frjálst og fullvalda ríki“ í rúm 25 ár. Íslendingar fengu nefnilega að mestu leyti sjálfstæði frá Dönum 1. desember árið 1918. Sjálfstæðisbarátta okkar hafði þá staðið síðan snemma á 19. öld.

Frá 10. bekkingum: Nú er komið að þvi að selja Brekkuskólapeysur fyrir árið 2012. Framan á peysunum verður "nafn viðkomandi nemanda" og aftan á peysunni mun standa "Brekkuskóli". Peysurnar kosta á bilinu 5000 - 5500 kr. Nú þegar hafa allir nemendur í 1. - 7. bekk fengið senda miða með sér heim þar sem kostur er gefinn á að panta peysu með undirskrift foreldris/forráðamanns. Miðanum þarf að skila í síðasta lagi mánudaginn 21. nóvember. Á næstunni verður síðan ákveðinn mátunardagur þar sem hægt er að máta sýnishorn af peysum og ákveða stærð og lit. Kær kveðja 10. bekkur