Fréttir

Nýverið hófst námskeið í dansi hjá 3. og 4. bekk. Hér má sjá nokkrar myndir frá dansæfingu í 3. bekk þar sem þau voru að æfa marseringu. Fleiri myndir hér.

Keppt var í skólahreysti í Íþróttahöllinni á Akureyri miðvikudaginn 20. mars kl. 13 og stóð keppnin til kl. 15:30. Keppendur Brekkuskóla voru: Katla, Friðrik, Ísak Andri og Kolfinna. Þau stóðu sig með stakri prýði og lentu í 5. sæti keppninnar. Þar skoraði hátt að Katla varð í 1. sæti í að "hanga". Þið stóðuð ykkur vel krakkar! Fyrir þá sem hafa áhuga á að taka þátt á næsta ári og komast í liðið er bent á að byrja að æfa sig tímanlega.

Skemmtilegt hópverkefni er nú unnið í dönsku í 7. bekk. Þar eru nemendur núna að fást við gerð myndasögu sem þeir gera sem rafbók. Þau vinna rafbókina frá grunni eftir fyrirmynd úr námsbók. Þau taka myndirnar, setja inn texta og hljóð áður en þeir skila því til kennara. Þau fá einnig tækifæri til að sýna rafbækur sínar og segja frá á skiladegi. Rafbækurnar eru síðan, eins og annað sem þau gera, metnar sem hluti af námsmati nemenda. Hér má sjá nokkrar myndir og myndskeið frá verkefninu. Myndir Myndskeið 1 Myndskeið 2 Myndskeið 3 Myndskeið 4

Innritun stendur yfir fyrir nemendur sem hefja grunnskólagöngu haustið 2013. Umsóknareyðublöð. Innritaðir nemendur fá tækifæri til að koma í skólaheimsókn í skólann í nokkur skipti. Ein heimsókn er afstaðin og sú næsta verður 18. og 20. mars næstkomandi. Þá velja foreldrar að koma með nemendur annan hvorn þann dag kl. 10:30 - 12:10. Nemendur fá að vera með í kennslustund 1. árgangs og enda síðan kennslustundina á að fara með þeim í mat í matsal skólans. Foreldrar eru hvattir til að kynna skólalóðina fyrir væntanlegum nemendum í þessum heimsóknum.

Skólamyndir Brekkuskóla eru nú tilbúnar til pöntunar á vef ljósmyndarans.  Leiðbeiningar og frekari upplýsingar er að finna hér aftar í fréttinni.

SAMTAKA, svæðisráð foreldra nemenda í grunnskólum Akureyrarbæjar, í samstarfi við Guðjón H. Hauksson, þjónustustjóra tölvudeildar MA og Gunnlaug Guðmundsson, forvarnarfulltrúa hjá Akureyrarbæ, stendur fyrir málþingi um heilbrigð tölvukerfi heimilanna. Málþingið sem ber heitið „Uppeldi í tölvuvæddum heimi – ábyrgð allra“ verður haldið í sal Brekkuskóla, 14. mars n.k. og hefst klukkan 18.00.  Dagskrá:

Meðal efnis í fréttabréfi marsmánaðar er Stóra upplestrarkeppnin, frásögn af heimsókn erlendra gesta, matseðill mánaðarins og skólaljósmyndataka, en myndirnar eru nú tilbúnar á vef ljósmyndarans til pöntunar. Fréttabréf marsmánaðar

Stóra upplestrarkeppnin í 7. bekkjum grunnskólanna á Akureyri fór fram í Menntaskólunum á Akureyri (MA) þann 6. mars 2013. Aðallesarar Brekkuskóla voru þær Helga María Guðmundsdóttir 7. EJ og Sólrún Svava Kjartansdóttir 7. HS. Það er skemmst frá því að segja að Helga María var valin af dómnefnd í 1. sæti keppninnar. Keppendur allir stóðu sig með stakri prýði og eins og Karl Frímannsson fræðslustjóri orðaði það "Þið eruð öll sigurvegarar, þið stóðuð ykkur svo vel" Ingibjörg Einarsdóttir sagði í ávarpi sínu að undirbúningur þessarar keppni skipti miklu máli. Hún sagðist vita að þar liggi mikil vinna að baki og þakkaði þeim fjölmörgu nemendum, starfsfólki skólanna og foreldrum fyrir samstarfið og þátttökuna við undirbúning keppninnar. Í upphafi og í hléi spiluðu nemendur úr 7. bekk sem stunda nám í Tónlistarskóla Akureyrar. Í þeirra hópi voru fimm fulltrúar frá Brekkuskóla sem við erum afskaplega stolt af. Þar af voru báðir fulltrúar skólans í upplestrarkeppninni. Auk þeirra voru það Arndís Atladóttir á píanó, Heba Karitas Ásgrímsdóttir fiðlu og Edda Kristín Bergþórsdóttir fiðla. Stjórnendur og starfsfólk Brekkuskóla óskar Helgu Maríu og 7. bekk til hamingju með árangurinn! Nánar um keppnina á landsvísu hér og myndir frá lokahátíðinni á Akureyri hér

Skólahaldi er alla jafna ekki aflýst nema í verstu veðrum og þá gjarnan í öllum skólum bæjarins. Slíkt er ávallt auglýst í útvarpi. Skelli á vont veður meðan börnin eru í skólanum eru foreldrar beðnir um að sjá til þess að þau verði sótt eins fljótt og auðið er eftir að skóla lýkur.

Í síðustu viku fór fram undankeppni fyrir Stóru upplestrarkeppnina í 7. bekk en lokakeppni skólanna á Akureyri  fer fram þann 6. maí í Hólum í Menntaskólanum á Akureyri. Aðallesarar Brekkuskóla verða: Helga María Guðmundsdóttir 7. EJ og Sólrún Svava Kjartansdóttir 7. HS Varamenn þeirra eru: Arnór Gjúki Jónsson 7. HS og Ólafur Stefán Oddsson Cricco 7. HS Til hamingju öll með frábæran árangur! Hér má finna nokkrar myndir frá keppninni