Fréttir

Litlu jólin fara fram í Brekkuskóla 20. desember 2013 sem hér segir: Frístund opnar kl.08:00 fyrir nemendur sem þar eru skráðir. Skólabíll fer á venjubundnum tíma um morguninn. Nemendur í 2., 4. og 10. bekk (ath. breyttur tími hjá 10. bekk) mæta klukkan 08:00 í heimastofur. Klukkan 09:00 koma þau á sal skólans, þar sem verður dansað í kringum jólatré. Skóladegi lýkur klukkan 10:00 og Frístund opnar þá fyrir nemendur sem þar eru skráðir. Skólabíll fer kl. 10:15 frá skólanum. Nemendur 3. , 6., 7. og 8. bekk mæta klukkan 09:00 í heimastofur. Skólabíll fer kl. 08:35 frá fyrstu stoppistöð (Keiluhöll). Klukkan 10:00 koma þau á sal skólans, þar sem dansað verður í kringum jólatré. Skóladegi lýkur um klukkan 11:00 og Frístund verður opin fyrir nemendur sem þar eru skráðir. Skólabíll fer kl. 11:15 frá skólanum. Nemendur í 1., 5. og 9. bekk (ath. breyttur tími hjá 9. bekk) mæta klukkan 10:00 í heimastofur. Skólabíll fer kl. 09:35 frá fyrstu stoppistöð (Keiluhöll). Klukkan 11:00 koma þau á sal skólans, þar sem dansað verður í kringum jólatré. Skóladegi lýkur um klukkan 12:00. Frístund verður opin fyrir nemendur sem þar eru skráðir. Skólabíll fer kl. 12:15 frá skólanum. Kennsla hefst á nýju ári þann 6. janúar samkvæmt stundaskrá. Gleðilega jólahátíð! Starfsfólk Brekkuskóla

Bjarni Fritzson ásamt Kristínu Tómasdóttur hafa gefið út bókina Strákar. Í bókinni er fjallað um líf íslenskra stráka frá mörgum hliðum og það sem þeir kljást við í sínu daglega lífi. Bjarni Fritzson kom í heimsókn í Brekkuskóla og kynnti drengjum í elstu árgöngunum bókina. Bjarni er fyrrverandi landsliðsmaður og er atvinnumaður og þjálfari í handknattleik. Hann er að auki með próf í sálfræði. Fleiri myndir frá kynningunni.

Sælir foreldrar/forráðamenn barna í 1.– 4. bekkjar. Nemendur 10. bekkjar eru komnir í jólaskap og langar að skreyta piparkökur með nemendum 1.– 4. bekkjar. Fjörið verður miðvikudaginn 11. desember milli 17-19 í matsal skólans. Piparkökur verða til sölu á staðnum, verð á 10 kökum er aðeins 500 kr. (í fjáröflunarskyni fyrir skólaferðalag). Systkini, ættingjar og vinir eru velkomnir. Jólatónlist og sjoppa á staðnum. Hlökkum til að sjá ykkur Nemendur 10. bekkjar Brekkuskóla.

Það er ekkert lát á drekameisturum í Brekkuskóla. Hér er það Krister Máni sem lauk drekagráðu I nú nýverið. Til hamingju Krister Máni. Myndir af drekameisturum sem hafa náð gráðum að undanförnu má finna hér.

Jóladagatal grunnskólanna á vegum Samgöngustofu, hefur göngu sína sunnudaginn 1. desember. Í dagatalinu segir frá fjölhæfum dýrum sem feta sig áfram í umferðinni. Á hverjum degi birtist ný spurning sem grunnskólabörn geta svarað þegar þau opna jóladagatalið á www. umferd.isMeð þátttöku komast nemendur í verðlaunapott en tveir heppnir þátttakendur eru dregnir út á hverjum degi og fá þeir tvo bíómiða hvor. Allir þátttakendur geta merkt svör sín með nafni bekkjar og skóla en þannig kemst bekkurinn í sérstakan bekkjarverðlaunapott. Í janúar verður svo einn heppinn bekkur dreginn út og hlýtur hann að launum pizzuveislur og DVD mynd. Nemendur og bekkir eru hvattir tila ð taka þátt í jóladagatalinu, sem er í senn skemmtilegt og fræðandi. Jóladagatal grunnskólanna á  www.umferd.is frá 1. desember til 24. desember.

Fréttabréf desembermánaðar er komið út. Í fréttabréfinu má finna upplýsingar um skipulag árshátíðar í dag, skipulag Litlu jóla dags, upplýsingar um sölu ljósmynda til 1., 4., 7. og 10. bekkja og síðasta en ekki síst viðburðadagatalið góða sem gott er að hengja á ísskápinn. Góða skemmtun og gleðilega hátíð!

Undirbúningur árshátíðar stendur sem hæst. Nemendur æfa á sviði og í heimilisfræðistofu eru bakað. Hópar nemenda taka upp stuttmyndir, laga til búninga og sviðsmyndir, eldri nemendur aðstoða yngri nemendur og svona mætti lengi telja. Allir eru mikilvægir og hafa einhverju hlutverki að gegna. Hlutverkin eru mörg og misjöfn en allir keppast við að láta dæmið ganga upp. Lokaæfingar eru á næsta leyti og síðan sjálfur árshátíðardagurinn sem margir bíða spenntir eftir. Upplýsingaver skólans er opið fyrir þá nemendur sem kjósa rólegheit. Myndir frá bakstri í heimilisfræðistofu.

Lið Brekkuskóla í spurningakeppni grunnskólanna gerði sér lítið fyrir og vann riðilinn. Keppnin fór fram milli grunnskóla á Norðurlandi, af svæði sem nær frá Skagafirði að Þingeyjarsýslum. Bestum árangri náði liðið í þeim hluta sem hafði að geyma hraðaspurningar, en þá náði liðið að svara 9 af 12 spurningum rétt. Liðið stóð uppi með eitt stig í mínus eftir fyrri umferðina en unnu þá síðar með 9 stigum. Árangurinn í hraðaspurningunum varð til þess að þeir unnu riðilinn og komust áfram í keppninni. Það veruður spennandi að fylgjast með framhaldinu. Við óskum drengjunum innilega til hamingju með frábæran árangur! Lið Brekkuskóla skipa þeir Halldór Heiðberg Stefánsson, Jóhannes Stefánsson og  Hallgrímur Hrafn Guðnason en þeir eru allir í 10. bekk FDG. Þess má geta að liðið var í alfræðivaláfanga í fyrravetur sem leggur grunn að undirbúningi keppenda í spurningakeppninni. Kennari í alfræði er Helena Sigurðardóttir. Ekki náðist í hóp í alvfræðiáfanga í vetur en vonandi verður hægt að mynda hóp aftur næsta vetur.

Ekki barnið mitt? Í dag, fimmtudaginn 21. nóvember frá kl. 17-19, verður haldið í Menningarhúsinu Hofi málþing fyrir alla sem koma að uppeldi barna og unglinga. Yfirskrift málþingsins er "Tölum saman". Spurt er spurninga á borð við þessar: Hver er ábyrgð okkar sem samfélags? Er vímuefnaneysla einstaklingsins bara hans mál? Ræða foreldrar sín á milli um félagslíf barna sinna? Hver er staðan á Akureyri? Dagskrá málþingsins er þessi: Ekki barnið mitt Jóhannes Kr. Kristjánsson faðir Sigrúnar Mjallar sem lést vegna ofneyslu fíkniefna aðeins 17 ára. Vímuefnaneysla grunn- og framhaldsskólanema. Hvað gerist milli skólastiga? Margrét Lilja Guðmundsdóttir sérfræðingur hjá Rannsóknum og greiningu. Tónlistaratriði Nemendur frá Verkmenntaskólanum á Akureyri. Hvernig er að vera foreldri fíkils? Inga Lóa Birgisdóttir. Fíkniefnaheimurinn á Akureyri Lögreglan á Akureyri. Tónlistaratriði Nemendur frá Menntaskólanum á Akureyri. Pallborðsumræður