Fréttir

Föstudaginn 14. mars hvetur Krabbameinsfélagið alla landsmenn, konur og karla, til að halda upp á Mottudaginn. Brekkuskóli ætlar að taka virkan þátt. Á Mottudeginum látum við ímyndunaraflið ráða för og skörtum öllum mögulegum karlmennskutáknum og hvetjum landsmenn alla til að gera slíkt hið sama. Leyfum karlmennskunni að njóta sín þennan dag og hvetjum vini, vandamenn og vinnufélaga til að taka þátt í átakinu. Allir geta verið með mottu s.s. gervimottur, nælur, armbönd, hálsbindi o.fl.  Við hvetjum ykkur til að deila með okkur myndum með því að merkja þær #mottumars.  Berum út boðskapinn og búum til hraustlega stemmingu á morgun. Myndskeið Gleðilegan Mottudag!

Lið Brekkuskóli hafnaði í 4. sæti í Skólahreysti. Við þökkum þátttakendum fyrir góða frammistöðu og áhorfendum fyrir virkan og hvetjandi framkomu. Áfram Brekkuskóli!

Í Brekkuskóla leggjum við áherslu á gildið "Jafnrétti". Við ræðum hvernig við getum unnið með gildið í námshópunum í skólastarfinu. Stuðningsefni: Jafnrétti - ritröð um grunnþætti menntunar. Í skólanum er sérstök jafnréttisnefnd sem sér um að framfylgja jafnréttisáætlun skólans. Í skólastarfinu ræðum við hvað felst í hugtakinu jafnrétti og hvernig helst reynir á það í daglegu skólastarfi og lífi.

4. bekkur er að læra um valda þætti í sögu mannkyns allt frá upphafi sögunnar til okkar daga. Eitt af verkefnunum er að byggja merkar byggingar úr sögunni með kaplakubbum. Þetta eru byggingar eins og kínamúrinn, pýramídarnir í Egyptalandi, skakki turninn í Pisa, kastalar í Evrópu o.fl. Myndir frá verkefninu. Kennari er Arna Heiðmar Guðmundsdóttir

Skólahreysti fer fram í dag í Íþróttahöllinni. Keppnin hefst keppnin kl. 13:00 og áætluð lok hennar eru kl. 15:20. Keppendur Brekkuskóla eru Sigþór (hraðabraut), Berglind (hraðabraut), Kolfinna (armbeygjur og hanga), Gauti (upphýfingar og dýfur). Varamenn eru Þorbergur og Rún. Litur Brekkuskóla er DÖKKBLEIKUR. Nánari upplýsingar um keppnina má finna á vefsíðu Skólahreysti.

Hæfileikakeppnin "Brekkuvision" fór vel fram. Margir hæfileikaríkir nemendur stigu á stokk. Úrslit urðu sem hér segir: 1. sæti  Jóhann Þór, Egill, Egill Bjarni og Hafsteinn 7. BG sem spiluðu og sungu lag og frumsaminn texta um tölvufíkn. Myndskeið. 2. sæti Margrét Indíana 7. KI. Indíana söng einsöng 3. sæti Danshópur stúlkna úr 6. HBG Í hléi voru brandarar sagðir af nokkrum 5. bekkingum. Þátttakendur keppninnar, bæði í undanúrslitum innan árganga og í keppninni sjálfri, eru í raun allir sigurvegarar þar sem þau tókust á við mikla áskorun. Áhorfendur fá hrós fyrir virkan þátt og prúðmennsku á meðan keppendur komu fram á sviðinu.

Þann 3. mars kl. 20:00 í Brekkuskóla.  Mætt á fundinn: Hafdís Bjarnadóttir, , Heiðrún Jóhannsdóttir, Sigmundur Kr. Magnússon, Bergljót Þrastardóttir og Agla María Jósepsdóttir.   1. Guðjón Haukson verður með fyrirlestur fyrir foreldra um netheima, tölvuleiki, staðalmyndir og fleira sem gott er fyrir foreldra og kennara að vita. Fyrirlesturinn verður 18. eða 19. mars og verður auglýstur fljótlega. Hvetjum foreldra á öllum skólastigum að kynna sér þetta áhugaverða efni og mæta á þennan frábæra fyrirlestur. 2. Ljósamálin íþróttahöllinni eru að skýrast en þau eru í farvegi. Snýst semsagt um að fá ljósin kveikt í öllum salnum þegar einn bekkur er í salnum en ekki einungis einu bili. 

Nýtt fréttabréf marsmánaðar er komið út. Þar má finna umfjöllun um gildi mánaðarins "Jafnrétti", umfjöllun um 100 daga hátíð, stöðuna í Nordplusverkefninu og svo er viðburðadagatalið á sínum stað. Framundan er kærkomið vetrarfrí 6. - 10. mars. Starfsdagur er 10. mars. Nemendur mæta aftur samkvæmt stundaskrá þriðjudaginn 11. mars. Fréttablað mars mánaðar má nálgast hér.

Dagana 26. - 28. febrúar er 4. bekkur í skólabúðum að Kiðagili. Þar er lögð áhersla á skapandi starf og frumkvæði. Markmið búðanna er að nám, uppgötvun og leikur geti farið saman. Sjá nánar Áætluð heimferð er föstudag kl. 12:30.

Enn einn nýr drekameistari í Brekkuskóla. Hér er það Katrín Rós Björnsdóttir 4. FRF sem lauk drekagráðu I nú nýverið. Til hamingju Katrín Rós. Myndir af drekameisturum sem hafa náð gráðum að undanförnu má finna hér.