23.01.2014
Það voru flottir leikskólanemendur frá Hólmasól, Lundaseli, Pálmholti og Iðavelli
sem mættu í Brekkuskóla í morgun. Bergþóra aðstoðarskólastjóri og Bryndís forstöðukona Frístundar
tóku á móti þeim og buðu þau velkomin. Þau fengu að sjá fjölbreytta verkefnavinnu sem unnin er í skólanum. Þau
fóru í danstíma, heimilisfræði, myndmennt, heimsóttu skólastjóra og skrifstofu skólans, fóru í heimsókn í
tíma í 1. bekk og léku sér síðan smá stund í Frístund.
Næsta heimsókn verður í 13. og 20. mars, en þá fá nemendur að prófa að vera í kennslustund með 1. bekk og fara með
þeim í mat. Netpóstur verður sendur til foreldra sem hafa skráð barn sitt í heimsókn úr öðrum leikskólum.
Fleiri myndir frá heimsókninni
Lesa meira
17.01.2014
Heimadæmi í stærðfræði í 8. - 10. bekk eru sett upp rafrænt í námsumsjónarkerfinu Moodle. Nemendur fá
aðgang að þeim í ákveðinn tíma og þegar þau eiga að skila er lokað sjálfkrafa fyrir þau. Nemendur fá
tækifæri til að gera fleiri en eina tilraun til að leysa dæmin. Dæmin eru sett fram af handahófi og fá nemendur ekki endilega sömu dæmin.
Þegar horft er yfir niðurstöður nemenda sést að þau eru að ná mjög góðum árangri í þessari
þjálfun. Höfundar efnisins eru Sigríður Kristín Bjarnadóttir fyrrum deildarstjóri Brekkuskóla og María Aðalsteinsdóttir sem
er kennari í Oddeyrarskóla.
Lesa meira
16.01.2014
Í Brekkuskóla er kennd forritun í 4. - 6. bekk og í valgrein í 8. - 10. bekk sem er hluti af skólanámskrá skólans.
Kennslan byggir á því að kenna nemendum á möguleika tækninnar í gegnum leikjaforritun.
Helsta markmið kennslunnar er að nemendur fái kynningu á undirstöðuatriðum forritunar með ómeðvituðum lærdómi í gegnum leik.
Þannig byggjum við meira upp notendur tækninnar í stað þess að nemendur séu eingöngu ógagnrýnir neytendur hennar.
Lesa meira
16.01.2014
Það voru flottir leikskólanemendur frá Hólmasól sem mættu í Brekkuskóla
í morgun. Bergþóra aðstoðarskólastjóri og Bryndís forstöðukona Frístundar tóku á móti þeim og buðu
þau velkomin. Þau fengu að sjá fjölbreytta verkefnavinnu sem unnin er í skólanum. Þau fóru í danstíma,
heimilisfræði, myndmennt, heimsóttu skólastjóra og skrifstofu skólans, fóru í heimsókn í tíma í 1. bekk og léku
sér síðan smá stund í Frístund.
Næsta heimsókn verður í 23. janúar, en þá munu fleiri nemendur Hólmasólar koma í heimsókn ásamt væntanlegum
nemendum frá öðrum leikskólum sem hyggja á nám hér. Netpóstur verður sendur til foreldra sem hafa skráð barn sitt í
heimsókn úr öðrum leikskólum.
Fleiri myndir frá heimsókninni
Lesa meira
14.01.2014
Drekameistarakeppnin heldur áfram. Nú er það Bjarki Hólm Heiðdísar Freysson 3. HÓ sem hlaut
drekameistaratitil í 1. gráðu hjá skólasafnverði í desember rétt fyrir jólaleyfi. Bjarki notaði jólaleyfið vel og hefur hann
nú jafnframt lokið 2. gráðu. Til hamingju með það Bjarki!
Lesa meira
14.01.2014
Í 4. bekk fer fram þjálfun í margföldunartöflunni. Það er gert með þeim hætti að börnin búa sér til bók
með eyðublaði sem þau fá útfyllt af þeim sem hlusta á þau þylja töfluna. Hér má sjá upptöku af því hvernig þetta fer fram og hér má finna viðtal við
einn nemandann um verkefnið.
Lesa meira
09.01.2014
Skólanum barst skemmtileg gjöf frá foreldri sem var að koma frá Kína. Gjöfin er þurrkaðir sæhestar sem eru hingað komnir alla leið
hingað í Brekkuskóla. Sæhestar eru að mörgu leyti mjög sérstakar lífverur. Sæhestarnir eru nú á ferðalagi milli
kennara skólans þar sem nemendur munu fá að koma við og fræðast um þá. Við þökkum kærlega fyrir þessa skemmtilegu
sendingu. Fræðsluefni um sæhesta hefur verið lagt fram á skólasafni skólans til skoðunar. Þegar ferðalagi sæhestanna verður lokið
verða þeir settir í glerskápana við listgreinaganginn í miðju skólans.
Sæhestar eru allar tegundir sjávarfiska af sérstæðri ætt sem nefnist á latínu Syngnathidae og undirættinni Hypocampinae eða
sæhestaætt. Innan þessarar ættar er einnig hópur fiska sem nefnast á ensku pipefish eða pípufiskar, þeir eru mjóslegnir og langir
og minna á sæhesta í útliti en eru flokkaðir í aðra undirætt sem nefnist Syngnathinae. Um 215 tegundir eru innan
ættarinnarSyngnathidae.
Lesa meira
08.01.2014
Í dag hófst valgreinin Raffræði í VMA sem er hluti af samstarfsverkefni Brekkuskóla og VMA í vetur. Valinu er skipt í tvo námshópa
þar sem undirtektir voru afar góðar. Fyrir áramót var ein valgrein kennd í VMA í smíðum og önnur valgrein í
náttúrufræðigreinum sem kennd var í Brekkuskóla en kennarar komu frá VMA. Þetta samstarfsverkefni var í undirbúningi á
síðasta skólaári og nú höfum við safnað upp reynslu sem við leggjum í bankann okkar til framtíðar. Það voru
áhugasamir drengir sem fóru með aðstoðarskólastjóra í fyrsta tímann í raffræði eftir hádegi í dag. Fyrsti
tíminn hófst á kennslu um muninn á rafvirkjun og rafeindavirkjun. Í léttu innskoti á undan var umræðan tekin um það hvernig
kennitölur okkar eru upp byggðar. Skemmtileg byrjun og vonandi ná drengirnir markmiðum sínum í þessari spennandi valgrein. Sjá myndir hér. Kennari í raffræði er Davíð
Ingi Guðmundsson.
Lesa meira
08.01.2014
Andri Freyr mun aftur bjóða upp á skákkennslu fyrir 4.- 6. bekk í janúar. Vinsamlega tilkynnið þátttöku á netfangið stella@akureyri.is. Það eru allir velkomnir hvort sem þeir hafa tekið þátt áður eða ekki.
Föstudaginn 10. janúar kl. 13:15 í 40-60 mínútur á bókasafninu
Föstudaginn 17. janúar kl. 13:15 í 40-60 mínútur á bókasafninu
Föstudaginn 24. janúar kl. 13:15 í 40-60 mínútur á bókasafninu
Föstudaginn 31. janúar kl. 13:15 í 40-60 mínútur á bókasafninu
Til upplýsinga og upprifjunar þá er Andri Freyr fyrrverandi nemandi í 10. bekk og hefur hann telft skák í 8 ár. Hann er fyrrverandi
skólaskákmeistari Brekkuskóla sem og skólaskákmeistari Akureyrar ásamt því að vera kjördæmismeistari Norðurlands
eystra.
Lesa meira
07.01.2014
Brekkuskóli er í samstarfi við leikskólann Hólmasól um undirbúning skólabyrjunar nemenda fædd árið 2008 í
grunnskóla. Foreldrar úr öðrum leikskólum en Hólmasól sem hyggjast innrita barn sitt í Brekkuskóla geta einnig komið með barn sitt
í þessar heimsóknir. Fyrirhugaðar fyrstu heimsóknir eru 16. og 23. janúar 2014.
Lesa meira