Fréttir

Það var stór dagur í lífi þeirra sem hófu skólagöngu sína í Brekkuskóla í gær. Brekkuskóli býður innrituðum nemendum sem fara í 1. bekk í haust að koma nú á vordögum í tveggja klukkustunda heimsókn, tvo daga í röð til að kynnast kennurum sínum og umhverfinu enn betur. Hér má sjá nokkrar myndir af nýju skólabörnunum okkar. Kennarar árgangs 2009 verða þær Ástrós Guðmundsdóttir, Hjördís Óladóttir, Hulda Frímannsdóttir og Rósa Mjöll heimisdóttir, auk fleiri kennara sem koma að kennslu í list- og verkgreinum.

Nemendum skólans er heimilt að koma á reiðhjólum í skólann frá 7 ára aldri. Það er mjög mikilvægt að gengið sé frá hjólum við skólann. Reiðhjól og önnur hjólaleiktæki eru alfarið á ábyrgð nemenda og forráðamanna þeirra, einnig er það á ábyrgð forráðamanna að nemendur noti viðeigandi öryggisbúnað. Umferð reiðhjóla á skólalóð á skólatíma er bönnuð. Umferð annarra hjólaleiktækja en reiðhjóla á skólalóð miðast eingöngu við frímínútur og hádegi á malbikaða vellinum austan megin við aðalbyggingu. Því miður er ekki hægt að geyma hjólaleiktæki inni í skólanum. Þessar reglur eiga einnig við um rafhjól og vespur.

1. bekkur - árgangur 2008 hafa fengist við margvísleg verkefni. Þau hafa lært meðal annars að mikilvægt sé að safna góðum skólaminningum, þau lærðu ný orð og fengu að heyra sögur. Þau fengu líka Sigríði Dóru Sigtryggsdóttur skólahjúkrunarfræðing í heimsókn. Hún ræddi við þau um hjól og hjólaleiktæki og mikilvægi þess að vera alltaf með öryggishjálm og annan öryggisbúnað þegar við á. Alltaf er mikilvægt að leika sér á öruggu leiksvæði og fara varlega þar sem umferð er.

Kynning á valgreinum og umsóknareyðublöð um valgreinar fyrir skólaárið 2015 - 2016 er komið á vefinn.

Föstudaginn 24. apríl er starfsdagur í Brekkuskóla. Þá eiga nemendur frí frá skólastarfi. Frístund verður lokuð fyrir hádegi þennan dag.

     Gleðilegt sumar! Sumardagurinn fyrsti, einnig kallaður Yngismeyjardagur, er fyrsti dagur Hörpu, sem er fyrstur af sex sumarmánuðum í gamla norræna tímatalinu. Sumardaginn fyrsta ber alltaf upp á fimmtudag á tímabilinu frá 19.-25. apríl (það er fyrsta fimmtudag eftir 18. apríl). Sumardagurinn fyrsti var lengi messudagur eða til1744. Íslensk þjóðtrú segir að ef sumar og veturfrjósi saman boði það gott sumar, en með því er átt við að hiti fari niður fyrir frostmark aðfararnótt sumardagsins fyrsta. Í Sögu daganna - hátíðir og merkisdagar (bls. 50, 2. útg., 1977) eftir Árna Björnsson, þjóðháttafræðing, segir um sumardaginn fyrsta:

Morgunmóttaka kl. 8 - 9. Sjá nánar í vikupósti umsjónarkennara. Nemendur og kennarar kynna "Gæðaveröldina" sem er eitt verkfæri uppbyggingarstefnunnar. Brauðbollur og kaffi verður selt í matsal skólans að aflokinni kynningu. Verðskrá: Brauðbollur 350 kr. Kaffi 100 kr. Ágóði sölunnar rennur í ferðasjóð nemenda í 10. bekk. Kveðjum veturinn saman - gleðilegt sumar.

Morgunmóttaka í 9. og 10. bekk þriðjudaginn 14. apríl kl. 8:00 - 9:00. Nemendur og foreldrar fengu kynningu á því hvernig við getum nýtt okkur verkfæri uppbyggingastefnunnar um GÆÐAVERÖLDINA til að velta fyrir okkur hvernig við viljum hafa umhverfið sem við lifum í. Í morgunmóttökunni að þessu sinni var umræðan um það hvernig við viljum hafa skólann okkar. Til að leita svara við því voru lagðar fram spurningar sem nemendur svöruðu. Nemendum og kennurum var skipað í 15 hópa þar sem þrjár eftirfarandi spurningar voru ræddar: 1. Hvað einkennir góðan skóla? 2. Hvað finnst mér mikilvægast í samskiptum? 3. Hvað getum við gert til að ná þessu fram? Hóparnir skrifuðu niðurstöður hópanna á miða og skiluðu á veggspjald. Stefnt er að því að vinna með niðurstöðurnar áfram í umsjónartímum bekkja. Myndir frá hópvinnunni Kærar þakkir fyrir samveruna. Nemendur og starfsfólk í 9. - 10. bekk

Söngsalur verður dagana 15. - 17. apríl næstkomandi sem hér segir: 15. apríl kl. 11:30 - 9. - 10. bekkur16. apríl kl. 08:00 - 7. - 8. bekkur 16. apríl kl. 10:20 - 5. - 6. bekkur 17. apríl kl. 12:40 - 1. - 3. bekkur Sigríður Hulda Arnardóttir tónmenntakennari stýrir söngsal.

Tilnefningar fyrir skólaárið 2014-2015 skulu berast rafrænt fyrir 20. apríl næstkomandi. Viðurkenningar verða afhentar við hátíðlega athöfn í maí og verður nánari dagsetning um viðburðinn send út síðar. Skólanefnd hefur frá árinu 2010 veitt einstaklingum og/eða stofnunum sem skarað hafa fram úr, viðurkenningar við hátíðlega athöfn. Veittar eru viðurkenningar í tveimur flokkum, annars vegar skólar/kennarahópar/kennari og hins vegar nemendur.