Fréttir

Aðalfundur  foreldrafélags Brekkuskóla verður  næstkomandi þriðjudagskvöld þann 6. október í hátíðarsal Brekkuskóla klukkan 20:00. Auk hefðbundinna aðalfundarstarfa munum við fá góða gesti á fundinn. Jóhannes Bjarnason, íþróttakennari mun kynna stöðu íþróttakennslu við Brekkuskóla og Ragnheiður Lilja Bjarnadóttir, sérfræðingur á Miðstöð skólaþróunar við Háskólann á Akureyri mun flytja erindið"Sko, ég get alveg lesiđ en èg nenni ekki ađ lesa.“ sem byggir á meistararannsókn hennar á lestraráhuga unglingsdrengja árin 2012-2014. Ragnheiður Lilja er sérfræðingur í byrjendalæsi og því gefst einnig tækifæri til að spyrja út þá kennsluaðferð á fundinum. Í Brekkuskóla starfar mjög öflugur foreldrahópur sem er annt um velferð og nám nemenda í skólanum. Mæting á aðalfundi foreldrafélagsins er nánast skylda og viljum við ítreka að ætlast er til að öll heimili sendi frá sér einn fulltrúa á fundinn. Stjórn foreldrafélagsins er ekki fullmönnuð og vel er tekið á móti öllum þeim sem hafa samband við stjórnina ( Bergljót: 892-2737) og vilja taka þátt í starfinu í vetur. Nemendur í 7. bekk standa nú fyrir fjáröflun vegna námsferðar í Reykjaskóla og munu framreiða ljúffengar vöfflur og kaffi gegn vægu gjaldi (500 kr.)