Fréttir

Fimmtudaginn 4. febrúar verða böll sem 10. bekkur stendur fyrir og er liður í fjáröflun fyrir skólaferðalagið. 1. - 4. bekkur kl. 16.00-17.30. Verð 500.- kr. inn, popp og svali fylgja miða. Gengið er inn um aðalinngang. 5. - 7. bekkur kl. 18.00-20.00  Verð. -500 kr. inn, sjoppan opin. 10. bekkingar sjá um að spila skemmtilega tónlist. Gengið er inn um aðalinngang.  

Þriðjudaginn s.l. voru haldnar menntabúðir í Brekkuskóla. Viðfangsefnið menntabúðanna  var upplýsingatækni og einstaklingsmiðun. Um 80 manns sóttu menntabúðirnar og komu þátttakendur víða að s.s. Dalvík og Húsavík. Markmið menntabúðanna er að gefa kennurum og þeim sem hafa áhuga kost á að miðla reynslu sinni af notkun upplýsingatækni og læra hver af öðrum. Fleiri myndir hér. Fjölbreyttar menntabúðir voru í boði en kennarar voru einnig hvattir til að deila reynslu sinni og þekkingu. Einni menntabúð var stýrt af nemendum Brekkuskóla. PuppetPals - forrit til að búa til myndasögur Bráðger börn og upplýsingatækni í námi OSMO hugbúnaðurinn - reynir á hug, hönd og rökhugsun. Quizlet - forrit til að búa til spurningaspjöld (flip cards) Sound Cloud og Vacaroo - forrit til að taka upp hljóðskrár sem hægt er að tengja við bækur, próf eða skoðanakannanir með QR kóða. Foxit Reader og Scanner - forrit til að skanna texta og vinna með í tölvu t.d. skrifleg verkefni og vinnnubækur eða pdf. skjöl. Einnig verður fjallað um hvernig sækja má hljóðbækur í snjalltæki. Forrit í sérkennslu.  

1. bekkur hittist fyrir utan skólann í gær og kvaddi öll ljótu orðin sem nemendur kunnu á táknrænan hátt. Með aðstoð slökkviliðsmanns voru ljótu orðin (sem skrifuð höfðu verið á miða) sett í þar til gerðan pott. Kveikt var í þeim sem voru endalok þeirra. Á nýja árinu 2016 ætla nemendur að vera duglegir að nota öll þau jákvæðu og gleðilegu orð sem þeir kunna. Fleiri myndir hér.

Mánudaginn 4. janúar er starfsdagur í Brekkuskóla og þriðjudaginn 5. janúar er skóli samkvæmt stundaskrá.Starfsfólk Brekkuskóla óskar öllum gleðilegra jóla og farsældar á komandi ári.

Foreldrafélag Brekkuskóla gefur nemendum veglega jólagjöf – bókagjöf til skólasafns! Þar sem nú er hafið mikið lestrarátak á landsvísu þótti foreldrafélaginu við Brekkuskóla mikilvægt að skólasafnið hefði að geyma áhugaverðar og spennandi bækur sem nemendur hefðu jafnvel sjálfir valið.  Foreldrafélagið fékk því nemendur á öllum skólastigum til að setja saman bóka-óskalista sem félagið fékk í hendur í byrjun desember.  Það færði síðan skólanum veglega bókagjöf  um 200 bækur og bætir þannig verulega aðgengi nemenda að nýju og fjölbreyttu lesefni. Þess má geta að bókaútgáfur voru sérlega liðlegar og veittu góða afslætti.  Fjölbreytt úrval bóka á skólasafni er mikilvægt fyrir nemendur til að örva og efla lestur. Á þennan hátt styður foreldrafélagið við skólasafnið í því að sinna sínu hlutverki og að nemendur hafi aðgang að lesefni sér til gamans og gagns. Undanfarin ár hafa myndast langir biðlistar eftir vinsælum bókum á skólasafninu en með þessari gjöf munu þeir styttast verulega. Bækurnar eru nú komnar í hús og fengu nemendur þær afhentar í morgun, á Litlu jólunum, 18. desember. Fleiri myndir hér.

Nemendur í 6. bekk hafa verið að vinna með Snorrasögu og völdu að vinna hana á mjög skemmtilegan máta. Fleiri myndir hér.

Nokkrir glaðir krakkar nýttu snjóinn vel í frímínútum í dag.

    Litlu jólin - 18. desember 2015 Frístund opnar kl.08:00 fyrir nemendur sem þar eru skráðir.  Nemendur í 2., 4., og 10. bekk mæta klukkan 08:00 í heimastofur. Klukkan 09:00 koma þau á sal skólans, þar sem verður dansað í kringum jólatré. Skóladegi lýkur klukkan 10:00 og Frístund opnar þá fyrir nemendur sem þar eru skráðir. Nemendur í 3. , 6., 7. og 8. bekk mæta klukkan 09:00 í heimastofur. Klukkan 10:00 koma þau á sal skólans, þar sem dansað verður í kringum jólatré. Skóladegi lýkur um klukkan 11:00 og Frístund verður opin fyrir nemendur sem þar eru skráðir. Nemendur í 1., 5. og 9. bekk mæta klukkan 10:00 í heimastofur. Klukkan 11:00 koma þau á sal skólans, þar sem dansað verður í kringum jólatré. Skóladegi lýkur um klukkan 12:00. Frístund verður opin fyrir nemendur sem þar eru skráðir. Starfsdagur verður mánudaginn 4. janúar. Kennsla hefst á nýju ári samkvæmt stundaskrá þann  5. janúar 2016. Skólabílar 18. desember verða sem hér segir: kl. 07:35   08:35  og  09:35  Innbær - Brekkuskóli     kl. 10:15   11:15 og  12:15  Brekkuskóli - Innbær