Fréttir

"Hvernig á ég að ræða við unglinginn minn um kynlíf?" Þriðjudaginn 30. janúar kl. 20 í Síðuskóla bjóða forvarna- og félagsmálafulltrúar á Akureyri foreldrum á fyrirlestur um kynlíf og klám með Siggu Dögg www.siggadogg.is. Sigga Dögg er kynfræðingur og hefur verið áberandi í fjölmiðlum undanfarin misseri þar sem hún fjallar á opinskáan hátt um allt sem að við kemur kynlífi. Akureyrarbær leggur mikla áherslu á að vera í fararbroddi í forvarnarfræðslu og taka á þeim málum sem þurfa þykir hverju sinni. Í því upplýsingasamfélagi sem við lifum í gegna ólíkir miðlar sífellt stærra uppeldishlutverki í lífi barna og unglinga. Kynfræðsla er ekki lengur einungis bundin við þá fræðslu sem skóli og foreldrar veita, heldur hefur hún í auknum mæli færst yfir til fjölmiðla. Markaðssetning á kynlífi sem er ætlað að höfða til barna og unglinga hefur aukist mjög á síðustu árum, til dæmis á netinu, í tónlistarmyndböndum, sjónvarpsþáttum og kvikmyndum. Börn og unglingar fá mörg misvísandi skilaboð um kynlíf úr fjölmiðlum sem leitt geta til ranghugmynda um það hvað telst vera eðlilegt kynlíf. Þessi þróun undirstrikar mikilvægi uppeldishlutverks foreldra og að þeir leggi grunn að gildismati barna sinna á þessu sviði. Börn og foreldrar þurfa að ræða saman um kynlíf, eins og hvern annan málaflokk. Skoðanir og gildi foreldra gagnvart kynlífi eru börnum og unglingum nauðsynlegt mótvægi við þeim misvísandi og villandi upplýsingum sem þau hafa greiðan aðgang að. Kynlíf er eðlilegur hluti af lífinu. Kynfræðsla fyrir börn og unglinga gerir þeim betur kleift að takast á við eigin tilfinningar og taka ákvarðanir sem stuðla að eigin kynheilbrigði. Með góðri fræðslu eru unglingar betur undir það búnir að takast á við þann félagslega þrýsting sem er í umhverfinu og þeir eru líklegri til að geta myndað gott og heilbrigt ástarsamband í framtíðinni. Þekking á kynlífi getur hjálpað þeim að vernda sig gegn kynferðislegri misnotkun og fyrir því að misnota aðra. Eðlilegt að fjölskyldan ræði um kynlíf. Fjölskyldan er ein sterkasta fyrirmynd barna og unglinga. Frá unga aldri hafa foreldrar samskipti við börn sín og miðla þekkingu til þeirra með beinum og óbeinum hætti. Umræða um kynlíf og allt sem því viðkemur er mikilvæg á öllum heimilum. Opin og góð umræða um kynlíf á heimilinu skilar sér m.a. í því að: – börn byrja seinna en ella að stunda kynlíf og eru ábyrgari þegar þau byrja – minni líkur eru á að þau sjái eftir því að hafa stundað kynlíf – minni líkur eru á ótímabærum þungunum og ofbeldi – minni líkur eru á kynsjúkdómum Kynfræðsla og opinská umræða um kynlíf skilar sér því í aukinni þekkingu og meðvitaðri ákvörðunartöku ungs fólks um kynlíf.

Undanfarin ár hefur Foreldrafélag Brekkuskóla stutt við skólasafnið með veglegum peningagjöfum til bókakaupa og hefur þannig lagt sitt af mörkum til að nemendur hafi aðgang að nýju og fjölbreyttu lesefni. Í desember barst safninu enn og aftur gjöf frá Foreldrafélaginu, nemendur gerðu óskalista yfir bækur sem þá langar að lesa og fór skólasafnskennari og verslaði.

Sævar Helgi Bragason, stundum kallaður Stjörnu-Sævar heimsótti 4. - 6. bekk í Brekkuskóla föstudaginn 15. desember.

Þessa dagana er 5. bekkur að vinna spennandi fuglaþema og má sjá nokkrar myndir af flottum fuglum hér á síðunni.

Mánudaginn 18.desember mun 10.bekkur halda jólaball

Nemendur í 6. bekk í Lundarskóla heimsóttu jafnaldra sína í Brekkuskóla. Fjölmennt var í íþróttatíma í Höllinni þar sem um 120 börn voru saman í leik og hreyfingu. Börnin voru til fyrirmyndar, hlustuðu, voru kurteis, glöð og virk í því sem verið var að gera. Stefnt er að því að Brekkuskóli heimsæki Lundarskóla á vorönn og er tilhlökkun í hópnum!

Þann 1.des síðastliðinn fóru fulltrúar úr 8.-10. bekk í Hof þar sem haldið var stórþing ungmenna og einnig fóru fulltrúar úr 10. bekk í Háskólann á Akureyri

Á morgun er 1. des fullveldisdagur okkar Íslendinga.

Puttaferðalag með ljóðskáldi og rappara Þórdís Gísladóttir, ljóðskáld og unglingabókahöfundur og Atli Sigþórsson/Kött Grá Pje, rithöfundur og rappari heimsóttu 8. - 10. bekk í Brekkuskóla í morgun. Þau rifjuðu upp eigin unglingsár í Hafnarfirði og á Akureyri, spjölluðu um unglinga, unglingabækur, ljóð og sögur. Þau lásu líka úr eigin verkum, bókum hvors annars og jafnvel verkum einhverra allt annarra skálda. Það er óhætt að sega að þau náðu vel til nemenda sem hlustuðu af áhuga allan tímann.