Fréttir

Hér eru myndir úr textilmennt vor 2016.Hér eru myndir úr heimilisfræði vor 2016

Hér eru nokkrar myndir af útskrift 10. bekkinga 6. maí 2016.

Bókagjöf sem skólinn fékk þegar Arndís Eva og Andri hrepptu 1. sætið í myndbandakeppninni Siljunni. Myndir hér.

Viðurkenningar Skólanefndar voru afhendar í gær við hátíðlega athöfn í Hofi. Markmiðið með þeim er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Viðurkenning er einnig staðfesting á að viðkomandi kennari/nemandi er fyrirmynd annarra á því sviði sem viðurkenning nær til. Við erum stolt að greina frá því að Kári Hólmgrímsson nemandi í 7. bekk og Sigurlína Jónsdóttir kennari hlutu viðurkenningu Skólanefndar að þessu sinni. Við óskum þeim innilega til hamingju!

Föstudaginn 3. júní verður hinn árlegi vorgrill- og leikjadagur Brekkuskóla. Þá fara nemendur í leikjastöðvar á skólalóð og enda svo í grilli á stéttinni við aðalandyri skólans. Dagurinn er líkt og í fyrra helgaður Unicef hreyfingunni  á Íslandi þar sem við sameinumst í verki með hreyfingu í þágu barna. Verkefnið felur í sér fræðslu um veruleika barna í fátækari löndum. Nemendur fá fræðslu hjá kennurum sem undirbúin er af Unicef hreyfingunni. Skólabíll fer frá Brekkuskóla kl. 12:15 þennan dag. Dagskrána má skoða hér:  

Miðvikudaginn 18. maí verða böll sem 10. bekkur stendur fyrir og er liður í fjáröflun fyrir skólaferðalagið.

    Samtaka er búið að fá Akureyringinn Sigga Gunnars, Útvarpsmann á K-100, til að koma og vera með fyrirlestur fyrir 8 – 10 bekk í öllum grunnskólunum á Akureyri dagana 17. og 18. maí næstkomandi.  Í tilefni þess höfum við ákveðið í samstarfi við Sigga Gunnars að bjóða einnig foreldrum upp á fyrirlestur með honum og verður hann haldinn í Giljaskóla þriðjudagskvöldið 17. maí klukkan 20:00 Fyrirlesturinn ber heitið „Vertu þú sjálfur“ og fjallar um mikilvægi þess að þekkja sjálfan sig, læra á sjálfan sig og samþykkja sjálfan sig og fer Siggi yfir sína sögu og tengir hana við almennar hugleiðingar.  

Brekkuskóli hlaut í dag 100 þúsund króna bókaúttekt frá Barnabókasetri Íslands og Félagi íslenskra bókaútgefenda vegna sigurs Egils og Arndísar í Siljunni sem er myndbandasamkeppni Barnabókaseturs Íslands.  Ekki nóg með að þau unnu heldur urðu Kristíana og Ingunn í öðru sæti keppninnar sem er frábær árangur.  Við óskum þeim öllum til hamingju!

Brekkuskólaleikar árið 2016 verða settir mánudaginn 2. maí og standa til 4.  maí.  Að þessu sinni eru þeir sérstaklega veglegir þar sem nú er ólympíuár. Nemendur fara á milli stöðva og fá að taka þátt í margvíslegum íþróttagreinum og leikjum.  Má nefna: Jakahlaup, boltaleiki, golf, sund, skólahreysti og dans. Hver árgangur er auðkenndur með ákveðnum lit: 1. b gulur, 2. b rauður, 3. b grænn, 4. b dökk blár, 5. b svartur, 6. b fjólublár, 7. b bleikur, 8. b appelsínugulur, 9. b hvítur og 10. b ljósblár.   Markmið með leikunum eru m.a.:   · að efla samkennd meðal nemenda · að kynna nemendum mismunandi íþróttagreinar · að efla félagsþroska · að kenna nemendum að virða og fara eftir leikreglum · að kenna tillitssemi