Fréttir

Staðfesting í Frístund fyrir skólaárið 2015 – 2016 fer fram föstudaginn 14. ágúst kl. 10:00 – 15:00 Ágætu foreldrar/forráðmenn. Börn í 1.- 4. bekk skólans eiga kost á gæslu eftir skólatíma dag hvern tilkl. 16:15. Frístund er tilboð sem er hluti af skólastarfinu og er hluti af heildarstefnu skólans.  Staðfesta þarf umsókn um dvöl í Frístund með dvalarsamningi sem tilgreinir hvaða daga ogtíma á að nota. Börn geta ekki byrjað í Frístund fyrr en gengið hefur veriðfrá dvalarsamningi. Þeir sem komast ekki ofangreindan dag eru vinsamlegast beðnir um að haf samband samkvæmt neðangreindum upplýsingum og við finnum saman annan tíma. Verðskrá:Skráningargjald 20 klst - 6.860 krónur. Aldrei er hægt að kaupa færri en 20tíma á mán.Hver klukkustund kostar 343 krónur.    Síðdegishressing kostar 130 krónur hvert skipti.        Fjölskylduafsláttur reiknast af grunngjaldi. Til að njóta fjölskylduafsláttar þurfa börnin að vera skráð á kennitölu sama forráðamanns og með sameiginlegt lögheimili. Yngsta barn fullt gjald, annað barn 30% afsl.,   þriðja barn 60% afsl. og fjórða barn 100% afsl.  Nánar um Frístund                                                  Sjáumst í skólanum!Aðalbjörg Steinarsdóttir forstöðukona Fristundar í Brekkuskóla ally@akmennt.iss. 462-2526

Skrifstofa Brekkuskóla er lokuð frá 1. júlí - 4. ágúst vegna sumarleyfa. Upplýsingar um skólavist, húsnæði skólans, námsgögn og skóladagatal næsta skólaárs má nálgast sem hér segir: Húsnæði skólans. Hafið samband við umsjónarmann skólahúsnæðisins eða skólastjóra. Umsókn um skólavist í grunnskóla á Akureyri. Námsgagnalistar fyrir skólaárið 2015 - 2016. Skóladagatal fyrir skólarið 2015 - 2016

Skólaslit Brekkuskóla fóru fram mánudaginn 8. júní. Stundin var hátíðleg að venju. Það eru  38 nemendur sem kveðja núna skólann og innritaðir hafa verið 45 nemendur í 1. bekk næsta skólaár. Stjórnendur þakka nemendum, foreldrum/forráðamönnum og samstarfsfólki samstarfið skólaárið 2015 - 2016. Starfsdagar verða dagana 9. - 11. júní 2014. Skrifstofa Brekkuskóla verður opin frameftir júnímánuði, en lokar eftir það vegna sumarleyfa. Þeir sem eiga eftir að skila Unicef umslögum eða vilja koma framlagi til Unicef geta komið framlögum á skrifstofu. Skólaslit hjá elstu nemendunum. Myndir frá skólaslitum þeirra sem  útskrifast nú úr grunnskóla eru komnar í myndagallerýið okkar. Útskriftarnemendum og fjölskyldum þeirra færum við bestu framtíðaróskir. Starfsfólk Brekkuskóla

Unicef Unicefsöfnunin sem skólinn tók þátt í og fór fram í síðustu viku með áheitasöfnun og leikjum á skólalóð lýkur í dag. Þeir sem eiga eftir að skila umslagi eru vinsamlegast beðnir um að gera það í dag eða næstu daga á skrifstofu skólans. Einnig er hægt að senda greiðslu beint inn á reikning 701-26-102010 kt.481203-2950 og setja þá skýringuna BREKKUSKÓLI með greiðslunni svo hægt sé að fylgjast með heildarsöfnunarupphæð skólans. Með samstarfskveðju úr skólanum og ósk um ánægjulega sumardaga. Stjórnendur og starfsfólk Brekkuskóla

Það er líf og fjör á skólalóðinni í dag. Nemendur fara í útileiki á 15 stöðvum þar sem m.a. er farið í Gulur, rauður, grænn og blár, fótbolta, kasta hringjum, stoppdans, limbó, kött og mús, snú-snú, baunapokahlaup, stinger (körfubolta), strút (eltingaleik), teygjutvist (teygjó), verpa eggjum, stórfiskaleik, skotbolta (sinalkó) og dimma-limm. Að lokum er endað í grillveislu í portinu fyrir fram aðalinngang skólans. Um leið og nemendur taka virkan þátt í leikjunum safna þau fyrir UNICEF sem vinnur að því að gefa börnum annars staðar í heiminum framtíðarvon. Nemendur hafa fengið fræðslu um verkefnið og eru hvött til virkrar þátttöku á stöðvunum til að safna sem mestu. Að lokum fara nemendur í grillveislu í portinu fyrir framan skólann. Móttaka gesta: Í grillinu taka 4. bekkingar á móti verðandi 1. bekkingum næsta haust, gefa þeim bol og bjóða þeim í grillveislu. Þessir árgangar verða síðan vinaárgangar á næsta skólaári. Hér má nálgast myndir frá þessum skemmtilega degi.

Föstudaginn 5. júní verður hinn árlegi vorgrill- og leikjadagur Brekkuskóla. Þá fara nemendur í leikjastöðvar á skólalóð og enda svo í grilli á stéttinni við aðalandyri skólans. Dagurinn er líkt og í fyrra helgaður Unicef hreyfingunni  á Íslandi þar sem við sameinumst í verki með hreyfingu í þágu barna. Verkefnið felur í sér fræðslu um veruleika barna í fátækari löndum. Nemendur fá fræðslu hjá kennurum sem undirbúin er af Unicef hreyfingunni. Dagskrá vorgrilldagsins og útileikja er sem hér segir: Föstudagur 5. júní - Útivist og vorgrill  1.- 6. bekkur Kl.08:00 – 09:00 1.- 4.b ”frjáls mæting” - opið í stofum – spil og rólegheit Kl.09:00 Mæting. Allir í 1. – 6. bekk Kl.09:20 – 10:20 Útileikir – stöðvar á skólalóð. Nemendur safna "öpum" í apakverið sitt (Unicef). Kl.10:20 – 10:40 Frímínútur Kl.10:40 Mæting í stofur til umsjónarkennara Kl.11:20 Grill 1. og 2.bekkur - heimferð eða Frístund eftir grill (5 ára innrituðum nemendum boðið í grill. Gjöf frá vinum Brekkuskóla). 11:20 - 12:00 Gestir - væntanlegir 1. bekkingar haustið 2015 og foreldrar þeirra. Kl.11:40 Grill 3. og 4.bekkur – heimferð eða Frístund eftir grill Kl.11:50 Grill 5. og 6.bekkur – heimferð eftir grill Nemendur í 1. - 4. bekk eru í umsjón kennara sinna til kl. 12:00. Þá opnar Frístund og hinir fara heim sem ekki eru skráðir þar.  7. – 9. bekkur Kl.10:30 Mæting hjá umsjónarkennara. Allir í 7. – 9. bekk Kl.10:40 – 12:00 Útileikir – stöðvar á skólalóð Kl.12:00 Grill og heimferð eftir það

Í Brekkuskóla hafa verið unnin verkefni í hönnun og smíði sem prýða nú tengiganginn milli bygginga. Verkefnin eru afrakstur kennslu í hönnun og smíði hjá Brynhildi Kristinsdóttur smíðakennara. Brynhildi er margt til lista lagt og nær að virkja nemendur í skapandi verkefni jafnt á sviði hönnunar, lista og smíði. Fleiri myndir.

Nú í vikunni hafa nemendur 9. bekkjar Brekkuskóla verið í starfskynningum í fyrirtækjum á Akureyri og í nágrenni. Fimmtudaginn 4. júní munu nemendur halda kynningu á sal fyrir foreldra, kennara og nemendur í yngri bekkjum á því hvers þau hafa orðið vísari í þessum starfskynningum. MYNDIR Framsetning getur verið margvísleg s.s. myndir, upptökur, glærur, veggspjöld, útprentuð gögn o.fl. Fjölskyldum 9. bekkinga er hér með boðið að koma á þessa kynningu kl. 11:30-12:30 fimmtud. 4. júní í sal Brekkuskóla. Einnig er foreldrum boðið upp á að fá sér að borða í mötuneytinu að kynningu lokinni. Gaman væri að sjá sem flesta - því fleiri sem koma því betri stemning? Steinunn náms- og starfsráðgjafi

Í dag, mánudag 8. júní eiga nemendur að mæta í stofur til umsjónarkennara samkvæmt neðangreindu skipulagi. Þau koma síðan á sal 45 mín. seinna. Þar mun skólastjóri segja nokkur orð og slíta skóla. Að lokum syngjum við okkur út í sumarið með tónlistarkennaranum Sigríði Huldu Arnardóttur. Foreldrar/forráðamenn eru velkomnir bæði í stofur til kennara og á sal. Nemendur mæta samkvæmt eftirfarandi tímasetningum: Kl. 9  mætir 5., 6. og 7. árgangur kl. 10 mætir  8. og 9. árgangur Kl. 11 mætir  3. og 4. árgangur Kl. 12 mætir 1. og 2. árgangur Skólaslit og útskriftarathöfn 10. bekkja hefst á sal skólans kl.15:30 og eru foreldrar, forráðamenn og velunnarar skólans hjartanlega velkomnir.

Þriðjudaginn 26. maí boðaði skólanefnd Akureyrarbæjar til samkomu í Hofi og veitti nemendum og starfsfólki í leik- og grunnskólum Akureyrarbæjar viðurkenningar fyrir að hafa skarað fram úr í starfi. Jirapat Phuttarat nemandi í 7. HS hlaut viðurkenningu fyrir góðan námsárangur og vinnusemi. Jóhannes Gunnar Bjarnason hlaut einnig viðurkenningu fyrir framúrskarandi kennslu en hann starfar sem íþróttakennari við skólann. Við óskum þeim Jirapat og Jóhannesi  innilega til hamingju með viðurkenninguna! Við erum stolt af ykkur! Fleiri myndir frá afhendingunni