Fréttir

Föstudaginn 3. október er starfsdagur í grunnskólum á Akureyri. Frístund er lokuð þennan dag.

Mánudaginn 29. september kemur töframaðurinn Einar Mikael í heimsókn. 1., 2. og 3. bekk er boðið á sýningu með honum á sal skólans sem stendur í 20 mín. Sýningin hefst kl. 11 Nánar um Einar Mikael.

Á reiknivél Orkusetursins,er hægt að reikna út hversu mikið sparast í bensín og í útblæstri CO2 við það að ganga/hjóla í skólann og hversu mikið einstaklingur brennir á því að ganga ákveðna vegalengd. Prófaðu að reikna hvað þú getur sparað.

Laugardaginn 20. september er Hjóladagur fjölskyldunnar. Hjólalest fer frá Glerárskóla og það væri gaman að sjá sem flesta mæta, lestarstjóri Glerárskóla verður Jón M í Joes, en dagskráin er svona: 12:30 Hjólreiðafélag Akureyrar leiðir hjólalestir frá grunnskólum bæjarins að nýjum göngu- og hjólreiðastíg við Drottningarbraut. 13:00 Nýr göngu- og hjólreiðastígur formlega vígður við gatnamót Miðhúsabrautar og Drottningarbrautar. Þaðan hjólað saman að Ráðhústorgi. 13:30 Dagskrá á Ráðhústorgi. Grillaðar pylsur og drykkir í boði Kynning á vistvænum ökutækjum og rafhjólum Börnin fá að skreyta göturnar Myndataka fyrir þá sem vilja, í bílstjórasæti strætó Slökkviliðið mætir á svæðið  

Á námskeiðunum 1 - 5 - 8 fengu nemendur í 5. og 8. bekk hópeflikennslu á meðan foreldrar voru í hópvinnu og fræðslu á sal. Uppbyggingarstefnan var grunnurinn að fræðslunni undir dyggri leiðsögn Rutar Indriðadóttur og foreldrar unnu T-spjald um hlutverk foreldra og hlutverk umsjónarkennara. Hér meðfylgjandi eru myndir frá hópeflistund með nemendum í 5. bekk. Það voru kennararnir Hanna Skúladóttir og Sigfríð Einarsdóttir sem sáu um hópeflið.

Þann 16. september 2010, á 70 ára afmæli Ómars Ragnarssonar, var ákveðið að sá dagur yrði upp frá því tileinkaður íslenskri náttúru. Felst í þessu viðurkenning á fram- lagi Ómars til náttúruverndar og almenningsfræðslu um mikilvægi íslenskrar náttúru sem og allra þeirra sem lagt hafa sitt af mörkum til að fræða um íslenska náttúru. Markmiðið með degi íslenskrar náttúru er að beina sjónum landsmanna að hinni ein- stöku náttúru landsins, gögnum hennar og gæðum. Sótt af vef Námsgagnastofnunar http://vefir.nams.is/dagsins/dagur_isl_natturu/index.html

Leitin að Grenndargralinu hefst 12. september Að venju er Leitin í boði fyrir nemendur á unglingastigi í grunnskólum Akureyrar. Í ár er Leitin valgrein og er það í annað skipti frá því að fyrsta Leitin fór fram haustið 2008. Þrátt fyrir nýtt fyrirkomulag er Leitin að Grenndargralinu í boði fyrir alla nemendur í 8.-10. bekk í grunnskólum Akureyrar, óháð því hvort þeir völdu hana sem valgrein eða ekki. Allt sem þarf að gera er að hefja leik þegar fyrsta þraut fer í loftið, fara eftir fyrirmælum, leysa þrautina og skila lausnum til umsjónarmanns með tölvupósti. Fyrir réttar lausnir sendir umsjónarmaður bókstaf til baka sem notaður verður til að mynda lykilorðið. Þetta er endurtekið næstu níu vikurnar eða svo eða þar til kemur að lokavísbendingunni. Þá er Grenndargralið innan seilingar. Einfaldara getur það ekki orðið. Nánari upplýsingar um Leitina 2014 má nálgast á heimasíðu Grenndargralsins; www.grenndargral.is og á fésbókarsíðu Grenndargralsins.

Við í 10.bekk erum að selja skólapeysur til söfnunar fyrir skólaferðalagið okkar. Hver peysa kostar 6000 kr.                     Mátunar/pöntunar dagar eru fimmtudaginn 11. september og föstudaginn 12. september frá kl. 15-18 báða dagana.                                                              Greiða þarf við pöntun, því miður er enginn posi. Bestu kveðjur - peysunefndin J