Fréttir

Fimmtudaginn 20. nóvember kl. 09:00 var rýmingaræfing/brunaæfing í Brekkuskóla. Samkvæmt rýmingaráætlun fara allir nemendur skipulega í röð, þegar út er komið, á sparkvellinum og malbikaða vellinum við hliðina á honum. Myndina tók Hjördís Óladóttir kennari.

Starfsdagur verður í Brekkuskóla mánudaginn 24. nóvember. Frístund er lokuð þennan dag.

Föstudaginn 14. nóvember verður sameiginleg dagskrá hjá 8. - 10. bekk grunnskólanna á Akureyri. Hingað í Brekkuskóla koma 8. bekkingar, 9. bekkur fer í Síðuskóla og 10. bekkur í Lundarskóla. Nemendur eiga að vera mættir í móttökuskólana kl. 8:45 og dagskrá hefst kl. 9:00.

Myndir frá árshátíð 2014 eru komnar inn í tengilinn "MYNDIR" hér fyrir ofan.

Andri Snær Magnason rithöfundur kemur til 4. bekkjar í heimsókn þriðjudaginn 11. nóvember 2014. Höfundurinn ætlar að ræða við nemendur og skoða afrakstur þeirra af vinnu með efni bókarinnar Sagan af bláa hnettinum.  Nemendur hafa unnið ýmis verkefni tengd sögunni út frá söguramma sem er samþætting nokkurra námsgreina við söguþráð bókarinnar. Bergþóra aðstoðarskólastjóri gerði sögurammann árið 1999 sem gefinn var út af Námsgagnastofnun. Afrakstur vinnu nemenda er að finna í stofum 209 og 210 en þau munu einnig stíga á svið á árshátíðinni og leika atriði úr sögunni. Andri Snær mun einnig líta við hjá 6. bekk. Myndir af nokkrum verkefnum Myndir frá heimsókn höfundarins í 4. og 6. bekk

Ævar vísindamaður mun heimsækja 6. og 7. bekk föstudaginn 14. nóvember 2014. Hann mun lesa upp úr bók sinni "Þín eigin þjóðsaga" sem er ævintýrabók sem kynnir magnaðan heim íslensku þjóðsagnanna fyrir börnum á nýjan hátt, en lesandinn ræður ferðinni sjálfur með því að fletta fram og til baka í bókinni. Í bókinni eru yfir 50 mismunandi endar - sumir góðir, aðrir slæmir - allt eftir því hvað lesandinn ákveður að gera. Þetta er bók sem er eins og tölvuleikur.

Árshátið Brekkuskóla verður fimmtudaginn 13. nóvember. Hér má finna DAGSKRÁ árshátíðar 2014 Sýningar og ýmsar uppákomur verða víðs vegar um skólann. Hin vinsæla “ævintýraveröld” með hlutaveltu, tívolíþrautum, draugahúsi, spákonu, andlitsmálun, bíó o.fl. verður á sínum stað. Að venju er það 6. bekkur sem sér um ævintýraveröldina þar sem safna fyrir ferð að Reykjum á næsta skólaári.

Fréttabréf nóvember er komið út. Það sem ber hæst í nóvember er árshátíð Brekkuskóla sem haldin verður 13. nóvember Fréttabréf nóvembermánaðar.

Fræðslunámskeið fyrir foreldra 6 - 12 ára barna með ADHD verður haldið laugardagana 1. og 8. nóvember næst komandi. Nánari dagskrá hér

Nú stendur yfir landsleikurinn Allir lesa, sem hvetur landsmenn til að stunda lestur af öllu tagi.  Menn skrá sig til keppni á www.allirlesa.is og skrá allan lestur, jafnt yndislestur og fræðilestur. Það er hægt að stofna lið eða keppa sem einstaklingur.  Við á Akureyrarstofu höfum skráð lið til keppni og skorum á aðrar deildir bæjarins til að gjöra slíkt hið sama. Þetta er skemmtilegt og skapar mjög líflegar umræður í kaffitímum.  Það eru líka allskyns viðburðir í gangi hér og þar í bænum, sjá viðhengi. Fylgist líka með á www.visitakureyri.is