Fréttir

Verðandi 1. bekkjar nemendur í Brekkuskóla skólaárið 2014 – 2015 og foreldrum þeirra er boðið í vorgrill í porti skólans fimmtudaginn 5. júní milli kl.11:20 og 12:00. Nemendur koma í fylgd foreldra/foreldris og hitta aðra nemendur og skemmta sér með þeim í boði foreldrafélags skólans sem nefnist Vinir Brekkuskóla. Nemendum og foreldrum verður boðið upp á pylsu og drykk í portinu fyrir framan aðalinngang skólans sem snýr að Íþróttahöll. Börnin fá að gjöf boli frá „Vinum Brekkuskóla“. Sjáumst í skólanum! Stjórnendur Brekkuskóla og Foreldrafélag Brekkuskóla

Brekkuskóli er kominn í 4 liða úrslit eftir sigur liðsins okkar á Grunnskólanum í Bláskógabyggð. Nú er spennan orðin rafmögnuð. Keppnin fór fram rafrænt á "Skype" þar sem þeir kepptu við lið Dalvíkurskóla. Lið Brekkuskóla er skipað sem hér segir:  Halldór Heiðberg Stefánsson, Jóhannes Stefánsson og  Hallgrímur Hrafn Guðnason en þeir eru allir í 10. bekk FDG. Þess má geta að liðið var í alfræðivaláfanga í fyrravetur sem leggur grunn að undirbúningi keppenda í spurningakeppninni. Kennari í alfræði er Helena Sigurðardóttir. 

Vikuna 19. - 23. maí hafa nemendur í 4. - 7. bekk fengið að spreyta sig í frjálsum íþróttum í Boganum. Meginmarkmiðið er að taka þátt og hafa gaman af. Nemendur Brekkuskóla hafa staðið sig mjög vel og hafa fengið verðlaunasæti sem hér segir: 4. bekkur - 3. sæti 5. bekkur - 1. sæti 6. bekkur - 2. sæti Myndir frá 5. bekkjar ferð í Bogann.

Þessa dagana eru útiíþróttir og í einhverjum tilvikum eru íþróttakennarar að nýta sparkvöllinn til kennslu.Vallartaflan gildir ekki ef íþróttakennarar eru að nýta völlinn til kennslu. Þeir hafa forgang um völlinn í maí og júní. Þegar svo er háttað verða nemendur að finna annan leik á skólalóðinni. Ef hins vegar íþróttakennarar eru ekki að nýta völlinn þá gildir vallartaflan. Jóhanna María, Bergþóra og Stella skólastjórnendur Brekkuskóla

Fimmtudaginn 5. júní verður hinn árlegi vorgrill- og leikjadagur Brekkuskóla. Þá fara nemendur í leikjastöðvar á skólalóð og enda svo í grilli á stéttinni við aðalandyri skólans. Dagurinn er líkt og í fyrra helgaður Unicef hreyfingunni  á Íslandi þar sem við sameinumst í verki með hreyfingu í þágu barna. Verkefnið felur í sér fræðslu um veruleika barna í fátækari löndum. Nemendur fá fræðslu hjá kennurum sem undirbúin er af Unicef hreyfingunni. Hér má nálgast myndir frá deginum. Magni skemmti sér og öðrum. Dagskrá vorgrilldagsins og útileikja er sem hér segir:

Í dag komu 5 ára nemendur í heimsókn í íþróttatíma. Það var Jóhannes Gunnar Bjarnason "afi íþróttaálfsins" sem tók á móti börnum. Jói er íþróttakennari kynnti fyrir nemendum aðkomu í íþróttahúsið Laugargötu og búningsklefa. Aðalatriðið var síðan að fara í leikjastöðvar í íþróttasal. Allt gekk að óskum og ekki var annað að sjá en að væntanlegir nemendur væru tilbúnir að takast á við komandi verkefni. Hér má nálgast myndir af fyrri hópnum.

Í vikunni sem leið fengum við heimsókn 9. bekkinga frá Nuuk í Grænlandi. Þau fengu kynningu á skólanum okkar og hittu jafnaldra sína í 9. bekk Brekkuskóla. Þau fóru einnig í smærri hópum í nokkra árganga hér í skólanum og kynntu Grænland fyrir nemendum og gáfu kost á spurningum. Nemendurnir kynntu Grænland ýmist á ensku eða dönsku sem var bæði áskorun fyrir þau sem kynntu og þau sem hlustuðu. Nemendur okkar voru óhræddir við að spyrja og skemmtilegt að heyra hvað vakti mestan áhuga þeirra. Myndir frá heimsókninni.

Kæru foreldrar og forráðamenn Ef til verkstöðvunar  grunnskólakennara kemur á morgun, fimmtudaginn 15. maí þá mun allt skólahald í Brekkuskóla falla niður.  Núna er ekki talið útilokað að samningar náist og því eru þið beðin um að fylgjast vel með fjölmiðlum og tilkynningu á vefsíðu Brekkuskóla. Frístund opnar kl. 13:10 eins og venjulega fyrir þau börn sem þar eru skráð Með kveðju Jóhanna María skólastjóri

Fréttabréfi maí og júnímánaðar er komið út. Í því má finna viðburðadagatalið góða og ýmsar gagnlegar upplýsingar fyrir vordagana Skóladagatalið fyrir næsta skólaár hefur verið sett inn á vef skólans: Með kveðju úr skólanum og von um bjarta vordaga. Bergþóra Þórhallsdóttir aðstoðarskólastjóri

Verðandi nemendum í 1.bekk í Brekkuskóla skólaárið 2014 – 2015 stendur til boða að koma í vorskóla dagana 5. – 6. maí 2014  milli kl.14:00 og 16:00 báða dagana. Nemendur koma í fylgd foreldra/foreldris og hitta verðandi kennara sína sem undirbúið hafa þessar stundir með þeim. MYNDIR úr vorskólanum 5. maí