Fréttir

Skólaslit Brekkuskóla fóru fram föstudaginn 6. júní. Stundin var hátíðleg að venju. Það eru  62 nemendur sem kveðja núna skólann og innritaðir hafa verið 49 nemendur í 1. bekk næsta skólaár. Stjórnendur þakka nemendum, foreldrum/forráðamönnum og samstarfsfólki samstarfið skólaárið 2014 - 2015. Myndir frá útskriftarathöfn 10. bekkja. Starfsdagar verða dagana 10. - 12. júní 2014. Skrifstofa Brekkuskóla verður opin frameftir júnímánuði, en lokar eftir það vegna sumarleyfa. Þeir sem eiga eftir að skila Unicef umslögum eða vilja koma framlagi til Unicef geta komið framlögum á skrifstofu.

Í Brekkuskóla skipuleggja kennarar sérstakan gleðidag sem er tilbreytingadagur þar sem gleðin er höfð sérstaklega að leiðarljósi. 6. bekkur hjólaði í Kjarnaskóg þennan dag og skemmti sér konunglega í góða veðrinu eins og sjá má á meðfylgjandi myndum. Samfélagsfræði í 6. bekk. Myndir frá samfélagsfræðiverkefni í 6. bekk þar sem unnið var þverfaglega og heimilisfræði fléttuð inn í vinnuna. Nemendur bökuðu kanilsnúða sem eru sænskir að uppruna.

Brekkuskóli hafnaði í 3. - 4. sæti í spurningakeppni grunnskólanna þetta skólaárið. Lið Brekkuskóla er skipað sem hér segir:  Halldór Heiðberg Stefánsson, Jóhannes Stefánsson og  Hallgrímur Hrafn Guðnason en þeir eru allir í 10. bekk FDG. Þeir kepptu við Réttarholtsskóla í morgun í undanúrslitum. Keppnin fór fram í gegnum Skype á Hótel Örk þar sem þeir eru staddir í skólaferðalagi. Við þökkum keppendum fyrir þeirra framlag til keppninnar. Þeir voru sjálfum sér og skólanum til sóma. Áfram Brekkuskóli!

Eitt af verkefnum 2. bekkjar er að þrífa skólatöskuna sína í heimilisfræði. Kennarinn poppaði handa þeim að verki loknu. Ekki er að sjá annað en að allir séu hæstánægðir með verkefnið. Myndir.

Verk- og listgreinar er mikilvægur þáttur í skólastarfi Brekkuskóla. Hér má finna myndir frá verkefnum sem nemendur hafa verið að vinna á liðnu skólaári. Nemendum er margt til lista lagt eins og sést á eftirfarandi  myndum: Textílmennt Textílmennt 2 Heimilisfræði Textílmennt og Smíðar haust 2013

Grunnskólamót UFA var haldið 20. - 23. maí. Yfir 1000 keppendur í 4. - 7. bekk grunnskólanna á Akureyri tóku þátt í mótinu. Þeir sem voru í hópi 10 efstu á mótinu fengu viðurkenningarskjal og frían mánuð á æfingar hjá UFA. 4. bekkur fékk bikar til eignarfyrir að vera með besta stuðningsliðið á mótinu. Til hamingju með árangurinn!  Hér má nálgast myndir frá verðlaunaafhendingunni. Upplýsingar um æfingar er að finna á www. ufa.is

Forritun er hluti af upplýsingatæknikennslu í Brekkuskóla. Hér má nálgast efni sem nemendur hafa verið að vinna þetta skólaár. Forritun reynir á rökhugsun, hugmyndaauðgi og ensku svo eitthvað sé nefnt. Hér má finna verkefni eftir nemendur.

Enn einn nýr drekameistari í Brekkuskóla. Hér er það Lara Mist Jóhannsdóttir 3. SAB sem lauk drekagráðu I nú nýverið. Til hamingju Lara Mist. Myndir af drekameisturum sem hafa náð gráðum að undanförnu má finna hér.

Verðandi 1. bekkjar nemendur í Brekkuskóla skólaárið 2014 – 2015 og foreldrum þeirra er boðið í vorgrill í porti skólans fimmtudaginn 5. júní milli kl.11:20 og 12:00. Nemendur koma í fylgd foreldra/foreldris og hitta aðra nemendur og skemmta sér með þeim í boði foreldrafélags skólans sem nefnist Vinir Brekkuskóla. Nemendum og foreldrum verður boðið upp á pylsu og drykk í portinu fyrir framan aðalinngang skólans sem snýr að Íþróttahöll. Börnin fá að gjöf boli frá „Vinum Brekkuskóla“. Sjáumst í skólanum! Stjórnendur Brekkuskóla og Foreldrafélag Brekkuskóla

Brekkuskóli er kominn í 4 liða úrslit eftir sigur liðsins okkar á Grunnskólanum í Bláskógabyggð. Nú er spennan orðin rafmögnuð. Keppnin fór fram rafrænt á "Skype" þar sem þeir kepptu við lið Dalvíkurskóla. Lið Brekkuskóla er skipað sem hér segir:  Halldór Heiðberg Stefánsson, Jóhannes Stefánsson og  Hallgrímur Hrafn Guðnason en þeir eru allir í 10. bekk FDG. Þess má geta að liðið var í alfræðivaláfanga í fyrravetur sem leggur grunn að undirbúningi keppenda í spurningakeppninni. Kennari í alfræði er Helena Sigurðardóttir.