Fréttir

Nú er tími Ævars vísindamanns liðinn sem lestrarátaks og Rithöfundaklúbbur tekur nú við. Rithöfundaklúbburinn virkar þannig að nemendur velja sér höfund og lesa 5 bækur eftir hann og fá þá viðurkenningarskjal. Á bókasafninu er búið að hengja upp tillögur að höfundum en nemendur mega stinga upp á öðrum höfundum. Þetta er hugsað sem ákveðin leið til að kynna rithöfunda. Hér er slóð á kynningu fyrir verkefnið ef þið viljið nýta ykkur og ég get líka komið í bekki og kynnt verkefnið. Síðan vil ég minna á Drekaklúbbinn sem er enn í gangi Bestu kveðjur, Sigríður Margrét upplýsingaveri Brekkuskóla

Vöfflukaffi. Á samtalsdögunum ætla 10.bekkingar að vera með vöfflukaffi í matsal. Vaffla og drykkur kr. 500 Brekkuskólapeysur. Einhver eftirspurn hefur verið eftir Brekkuskólapeysunum sem seldar voru í haust. Hægt verður að máta og panta á samtalsdögunum. Verðið á þeim er 6000 kr. Ath. enginn posi er á staðnum. 10.bekkur

Þriðjudaginn 3. febrúar og miðvikudaginn 4. febrúar2014 eru samtalsdagar hér  í Brekkuskóla. Þessa daga er ekki kennsla, en ætlast er til þess að nemendur mæti ásamt forráðamönnum til samtals við umsjónarkennara annan hvorn þessara daga.  Á síðasta skólaári prófuðum við nýtt fyrirkomulag á niðurröðun samtala sem felur í sér að foreldrar sjálfir bóka sig í samtalstíma hjá umsjónarkennara í gegnum www.mentor.is.   Þá er farið inn á fjölskylduvef mentor og smellt á hlekk sem birtist hægra megin á síðunni - "bóka foreldraviðtal". Greinargóðar leiðbeiningar vegna þessa má finna á slóðinni: https://www.youtube.com/watch?v=lLHx3ngQD6g

Málþing verður haldið í Hofi fimmtudaginn 29. janúar 2015 kl. 20:00 - 21:30 um snjalltækjanotkun barna og unglinga. Að málþinginu standa SAFT,  Heimili og skóli og Samtaka Sjá nánari dagskrá hér.

10. bekkur stendur fyrir búningaballi  í Brekkuskóla fyrir nemendur í  1.- 4. bekk fimmtudaginn 29. janúar kl. 16 - 17:30 Aðgangseyrir kr. 500,  innifalið er  ávaxtasafi og popp. Einnig verður ball fyrir 5.-7. bekk fimmtudaginn 29. janúar kl. 18 - 20 Aðgangseyrir kr. 500 Á  balli 5. - 7. bekkjar verður opin sjoppa. Vonumst til að sjá sem flesta 10. bekkur

22. janúar 2015 komu Sigursteinn Másson fyrir hönd Alþjóðadýravelferðarsjóðsins IFAW, og Huld Hafliðadóttir fyrir hönd Hvalasafnsins og Rannsóknaseturs Háskóla Íslands á Húsavík, í heimsókn til okkar.

Jafningjafræðsla frá meðlimum ungmennaráðs SAFT verður í Brekkuskóla miðvikudaginn 28. janúar 2015 fyrir nemendur í 8. bekk. Fræðslan er um jákvæða og örugga netnotkun. MYNDIR

Þar sem framundan er kynningar- og málfundur um netnotkun barna á Akureyri 29. janúar næstkomandi, vekjum við athygli á grein um netnotkun íslenskra ungmenna og mörk sem foreldrar setja þeim um netnotkun. Niðurstöður skólaþings Brekkuskóla um þessi mál eru væntanlegar úr vinnslu og fróðlegt verður að sjá hvernig þær tóna við þessa rannsókn. Greinin er fengin í veftímaritinu Netlu 22/12/2014. Netnotkun hefur aukist mikið síðasta áratuginn og er orðin stór hluti af daglegu lífi margra, einnig ungmenna. Tækniþróun hefur leitt til þess að aðgengi að Netinu er ekki lengur bundið við heimatölvu og símalínu heldur er hægt að komast á Netið næstum hvar sem er og hvenær sem er. Í þessari ► grein Hjördísar Sigursteinsdóttur, Evu Halapi og Kjartan Ólafssonarer skýrt frá niðurstöðum rannsóknar á netnotkun ungmenna í 9. og 10. bekk grunnskóla á Íslandi og hvort foreldrar setji ungmennunum einhverjar reglur eða mörk varðandi hana.

Spiladagurinn 20. janúar var vel heppnaður. Nemendur komu saman í vinaárgöngum og spiluðu á ýmis spil og áttu notalega samveru með vinaárgangi og starfsfólki skólans. Það var gaman að sjá hvernig eldri nemendur tóku að sér að aðstoða þá yngri. Andrúmsloftið var litað af gleði og vellíðan. Finna má myndir frá þessum skemmtilega tilbreytingardegi hér.