Fréttir

Formaður SAMTAKA vakti máls á mötuneytismálum í skólum bæjarins. Hér birtist svar fræðslustjóra Soffíu Vagnsdóttur. Myndin er sótt á vef Vikudags www.vikudagur.is

Sögu verður útvarpað fimmtudaginn 9. apríl kl. 09:10 í tilefni dagsins. Frá Upplýsingaveri: Á hverju ári standa alþjóðasamtök IBBY fyrir degi barnabókarinnar – tilefni sem er nýtt til þess að vekja athygli á bókum handa börnum og bóklestri barna.  Íslandsdeild samtakanna heldur sem fyrr upp á daginn með því að færa öllum grunnskólanemum landsins smásögu að gjöf. Í ár hefur Gunnar Helgason skrifað söguna Lakkrís – eða Glæpur og refsing sem hentar lesendum á aldrinum sex til sextán ára. Námsefnisveitan www.123skoli.is hefur útbúið  fjölbreyttan verkefnapakka með sögu Gunnars sem hentar ólíkum aldurshópum. Hægt er að sækja rafglærur, verkefni og ítarefni endurgjaldslaust á www.123skoli.is.  Sögunni verður útvarpað í flutningi höfundar á Rás 1 kl. 9:10 og tekur flutningurinn rúmar 15 mínútur. Sagan verður aðgengileg á vef RÚV strax að lestri loknum.

Fimmtudaginn 9. apríl verða böll sem 10. bekkur stendur fyrir og er liður í fjáröflun fyrir skólaferðalagið. 1. - 3. bekkur kl. 16.00-17.30 Verð 500.- kr. inn, popp og svali fylgja miða. Gengið er inn um aðalinngang. 4. - 6. bekkur kl. 18.00-20.00  Verð. -500 kr. inn, sjoppan opin þar sem seld verður pizzusneið og svali/gosdós á 500.- kr. eða tilboð 2 pizzusneiðar og svali/gosdós á kr. 700.- Gengið er inn um aðalinngang.

Sigurður Freyr Þorsteinsson nemandi í 10. SGP Brekkuskóla varð heimsmeistari með íslenska landsliði U18 í íshokkí laugardaginn 28. mars 2015. Við óskum Sigurði Frey innilega til hamingju með titilinn. Nánar á vef Skautafélags Akureyrar sem á fimm leikmenn í hópnum að þessu sinni en það eru þeir Róbert Guðnason, Halldór Ingi Skúlason, Heiðar Örn Kristveigarson, Matthías Már Stefánsson og Sigurður Freyr Þorsteinsson. 

Páskaleyfi hefst að afloknum skóladegi föstudaginn 27. mars 2015. Mæting nemenda eftir páskaleyfi er þriðjudaginn 7. apríl samkvæmt stundaskrá. Starfsfólk Brekkuskóla óskar nemendum og fjölskyldum þeirra ánægjulegra daga.

Í heimilisfræði í 3. HBP voru bakaðar páskasmákökur sem kallast "Trallakökur". Það voru vaskir sveinar sem kunnu vel til verka þegar ljósmyndari leit við hjá þeim. Sjá myndir. Þeir þvoðu sér vel um hendur áður en þeir hófust handa og líka eftir að hafa hnoðað og búið til kúlur úr deiginu. Þeir vöskuðu upp, þrifu eftir sig og biðu svo rólegir efitir að kökurnar bökuðust með því að taka í spil. Það voru ekki margir sem áttu afgang af kökunum þegar haldið var heim á leið eftir daginn :-) Gleðilega páska.

Fulltrúi foreldrafélags Brekkuskóla afhenti nemendum í 1. - 6. árgangi ísskápssegla með útivistarreglunum sem eru lögbundin skv. 92. gr. laga nr. 80/2002. Útgáfa seglanna er styrkt af Akureyrarbæ, Saman hópnum, Samtaka á Akureyri og Lögreglunni á Akureyri. Sýnishorn

Frá foreldrafélaginu: Fyrirlestur í sal Brekkuskóla fimmtudaginn 26. mars 2015 klukkan 20:00. Ber það sem eftir er: Um sexting, hefndarklám og netið“ er fræðsla fyrir foreldra um öryggi barna í stafrænum samskiptum. Eins og fram hefur komið í fjölmiðlum ganga nektarmyndir af íslenskum börnum manna á milli á netinu, en lögreglunni hefur reynst erfitt að bregðast við vandamálinu. Dreifingin er stjórnlaus og netið gleymir engu. Sexting (að skiptast á nektarmyndum) meðal barna og unglinga eykur á vandann. Rík þörf er fyrir vitundarvakningu – og upplýstir foreldrar eru besta forvörnin. Ef ekkert er aðhafst gætu fleiri börn lent í því að vera ber það sem eftir er á netinu. Aðgangur er ókeypis og allir foreldrar eru hvattir til að mæta á fyrirlesturinn enda mikilvægt að kynna sér áskoranirnar sem fylgja tækninýjungum, jafnvel þótt börnin séu enn ung að árum. Fræðslan er í höndum Þórdísar Elvu Þorvaldsdóttur, höfundar verðlaunamyndanna „Fáðu já!“ og „Stattu með þér!“ sem notaðar eru í kennslu í grunnskólum landsins. Styrktaraðili átaksins er Vodafone. Sjáumst Samtaka og Foreldrafélag Brekkuskóla Wikipedia - sexting Netið og samfélagsmiðlar

Mikil spenna lá í loftinu þegar sólmyrkvinn var skoðaður af nemendum og starfsfólki. Sólmyrkvinn stóð yfir í um 2 klukkustundir og sást hann afar greinilega. Nemendur og starfsfólk höfðu fengið sólmyrkvagleraugu að gjöf til að geta fylgst með þessu náttúruundri en mjög mikilvægt er að nota hlífðargleraugu þegar horft er á þessa undraverðu sýningu. Stjörnuskoðurnarfélagi Seltjarnaness, Stjörnufræðivefnum og Hótel Rangá eru færðar bestu þakkir fyrir að gera okkur þetta kleift. Fróðleikur af vef nams.is Myndir frá sólmyrkvaskoðun í Brekkuskóla

Brekkuvision hæfileikakeppnin hjá 5. - 7. bekk var haldin á sal skólans 19. mars. Allir árgangarnir héldu sína eigin undankeppni þar sem margir fengu tækifæri á að spreyta sig. Atriðin sem kepptu að þessu sinni í lokakeppninni voru níu. Sigurvegarar að þessu sinni komu úr 7. bekk en þar voru stúlkur á ferðinni sem sýndu dansatriði. Stúlkurnar heita Andrea, Kolbrún, October og Sunneva Kára. Þær sýndu frumsaminn dans. Í öðru sæti varð söngatriði þar sem Rebekka Hvönn Valsdóttir steig á stokk og söng af hjartans list. Í þriðja sæti voru tvö atriði jöfn. Kári Hólmgrímsson úr 6. bekk söng listavel og söngdúett úr 7. bekk þærMaría Björk og Sunneva Kjartans voru öll jöfn í þriðja sætinu. Kynnir á keppninni var Guðmundur Hjálmarsson í 7. HS sem stóð sig með mikilli prýði. Myndir