Fréttir

Í Brekkuskóla hafa verið unnin verkefni í hönnun og smíði sem prýða nú tengiganginn milli bygginga. Verkefnin eru afrakstur kennslu í hönnun og smíði hjá Brynhildi Kristinsdóttur smíðakennara. Brynhildi er margt til lista lagt og nær að virkja nemendur í skapandi verkefni jafnt á sviði hönnunar, lista og smíði. Fleiri myndir.

Nú í vikunni hafa nemendur 9. bekkjar Brekkuskóla verið í starfskynningum í fyrirtækjum á Akureyri og í nágrenni. Fimmtudaginn 4. júní munu nemendur halda kynningu á sal fyrir foreldra, kennara og nemendur í yngri bekkjum á því hvers þau hafa orðið vísari í þessum starfskynningum. MYNDIR Framsetning getur verið margvísleg s.s. myndir, upptökur, glærur, veggspjöld, útprentuð gögn o.fl. Fjölskyldum 9. bekkinga er hér með boðið að koma á þessa kynningu kl. 11:30-12:30 fimmtud. 4. júní í sal Brekkuskóla. Einnig er foreldrum boðið upp á að fá sér að borða í mötuneytinu að kynningu lokinni. Gaman væri að sjá sem flesta - því fleiri sem koma því betri stemning? Steinunn náms- og starfsráðgjafi

Í dag, mánudag 8. júní eiga nemendur að mæta í stofur til umsjónarkennara samkvæmt neðangreindu skipulagi. Þau koma síðan á sal 45 mín. seinna. Þar mun skólastjóri segja nokkur orð og slíta skóla. Að lokum syngjum við okkur út í sumarið með tónlistarkennaranum Sigríði Huldu Arnardóttur. Foreldrar/forráðamenn eru velkomnir bæði í stofur til kennara og á sal. Nemendur mæta samkvæmt eftirfarandi tímasetningum: Kl. 9  mætir 5., 6. og 7. árgangur kl. 10 mætir  8. og 9. árgangur Kl. 11 mætir  3. og 4. árgangur Kl. 12 mætir 1. og 2. árgangur Skólaslit og útskriftarathöfn 10. bekkja hefst á sal skólans kl.15:30 og eru foreldrar, forráðamenn og velunnarar skólans hjartanlega velkomnir.

Þriðjudaginn 26. maí boðaði skólanefnd Akureyrarbæjar til samkomu í Hofi og veitti nemendum og starfsfólki í leik- og grunnskólum Akureyrarbæjar viðurkenningar fyrir að hafa skarað fram úr í starfi. Jirapat Phuttarat nemandi í 7. HS hlaut viðurkenningu fyrir góðan námsárangur og vinnusemi. Jóhannes Gunnar Bjarnason hlaut einnig viðurkenningu fyrir framúrskarandi kennslu en hann starfar sem íþróttakennari við skólann. Við óskum þeim Jirapat og Jóhannesi  innilega til hamingju með viðurkenninguna! Við erum stolt af ykkur! Fleiri myndir frá afhendingunni

Brekkuskóli sigraði í þremur árgöngum af fjórum á UFA grunnskólamótinu nú í vikunni. Það voru 4., 6. og 7. árgangur sem lentu hvorki meira né minna í 1. sæti! Við óskum nemendum og kennurum þeirra innilega til hamingju með þennan frabæra árangur. Aðrir keppendur stóðu sig einnig vel og sýndu prúðmannlega framkomu og drengilega keppni. Samanlagt má segja að við höfum sigrað mótið! Við erum svo stollt af ykkur öllum! Stjórnendur og starfsfólk Brekkuskóla

Brekkuskóla hefur hlotið Erasmus+ styrk í flokknum „Nám og þjálfun“. Upphæð styrksins er ríflega 27 þúsund evrur og er verkefni til tveggja ára. Í ummælum matsaðila segir meðal annars: „Skólinn virðist hafa metnaðarfulla alþjóðastefnu og því áhugavert að styrkja svona verkefni. Sérstaklega áhugavert er ,,job shadowing" í Svíþjóð þar sem foreldrar eru virkjaðir.“ Umsóknin hlaut  90 stig af 100 mögulegum. Styrkféð verður nýtt til endurmenntunar starfsfólks.

Við erum rík af foreldrum í Brekkuskóla. Margir þeirra hafa komið við hjá okkur og glatt börnin og frætt á ýmsan hátt í gegnum tíðina. Ein slík heimsókn var hjá 1. árgangi í morgun þegar Hjalti Jónsson, einn faðirinn í árgangnum leit við með gítarinn í samverustund og tók með nemendum og kennurum lagið. Það var hress hópur sem kallaði á vorið þennan morguninn. Sjá myndskeið.

Fimmtudaginn 21. maí 2015 fór fram upplestrarhátíð í 4. bekk. Hátíðin er liður í því að efla börnin í að koma fram og lesa upphátt fyrir áheyrendur. Hátíðin var blanda af upplestri, kórlestri og tónlistaratriðum. Aðstandendum barnanna var boðið á sal til að hlusta og var vel sótt. Myndir frá hátíðinni

Skólasafnvörðurinn okkar hún Sigríður Margrét Hlöðversdóttir hefur sett upp facebooksíðu fyrir safnið þar sem hún vekur athygli á bókum, rithöfundum, verkefnum ofl. Endilega like-ið síðuna og bætist í hóp þeirra sem vilja fylgjast með því sem er að gerast á skólasafninu. Facebooksíða skólasafns Brekkuskóla "Gaman og gagn á skólasafni"

Fréttabréf Brekkuskóla fyrir maí/júní er komið út. Í blaðinu er að finna pistil frá skólastjóra, reglur um hjólaleiktæki, 3. hluta niðurstaðna frá skólaþingi, gjöf frá foreldrafélaginu að ógleymdu viðburðadagatali. Tapað - fundið Við bendum foreldrum á að óskilamunir verða lagðir fram á borð á göngum á næstunni. Hvetjum við ykkur til að koma við og skoða hvort þið kannist við eitthvað af þeim. Fréttabréf maí/júní 2015