Fréttir

Skólabyrjun skólaárið 2010 - 2011 hefst með viðtölum við nemendur og foreldra dagana 23. - 24. ágúst 2010. Boð í viðtal verður sent út á rafrænu formi (í netpósti) um það bil viku áður. Mat til undirbúnings viðtölunum fer fram í námsumhverfinu Mentor á vefnum mentor.is þar sem foreldrar eru beðnir um að svara spurningum ásamt börnum sínum af bestu sannfæringu. Opnað verður fyrir spurningarnar (matið) 18. ágúst 2010. Foreldrar nýrra nemenda í skólanum eru beðnir um að hafa samband við ritara skólans í ágúst til að að fá sent aðgangsorð í Mentorkerfið, hafi þeir ekki þegar fengið aðgang.

Afgreiðsla skrifstofu Brekkuskóla er lokuð vegna sumarleyfa til og með 6. ágúst 2010. Hægt er að ná í stjórnendur skólans samkvæmt eftirfarandi upplýsingum: Jóhanna María Agnarsdóttir skólastjóri  

Skólaslit Brekkuskóla fóru fram í dag. Jóhanna María Agnarsdóttir skólastjóri þakkaði nemendum, foreldrum og starfsfólki fyrir vel unnin verk. 58 nemendur útskrifuðust úr 10. bekk og fjórir starfsmenn hætta störfum nú í vor. Það eru þær Sigurbjörg Jónsdóttir, Björg Dagbjartsdóttir, Ingibjörg Lórenzdóttir og Oddný Snorradóttir.

Veðrið lék við okkur í morgun þegar við lékum okkur og grilluðum. Foreldrafélag Brekkuskóla fékk Magna til að vera með okkur og vakti það mikla lukku. Pylsurnar runnu því ljúflega niður. Myndir frá þessum vel heppnaða degi má finna hér.

Það hefur ýmislegt gengið á undanfarið í Brekkuskóla. Nemendur og kennarar hafa verið í liðakeppnum, vettvangsferðir hafa verið tíðar, vatnsstríð var háð í 7. bekk og svona mætti lengi telja. Teknar hafa verið myndir af þessum atburðum, en nokkrar þeirra birtast hér að þessu sinni. Fleiri myndir bætast vafalaust við á næstu dögum.

10. bekkur hélt ball nú í vor fyrir miðstigið eða 5. - 7. bekk. Farið var í ýmsa leiki og teknar voru líflegar myndir af hópum nemenda. Það má greinilega merkja að krakkarnir hafi skemmt sér vel. Kíkið endilega á myndirnar hér á síðunni.

Skóladagatal næsta skólaárs er komið á vefinn. Nánari skýringar á dagatalinu munu birtast við skólalok hér á Brekkuskólavefnum.

Framundan eru ferilmöppudagar á yngsta- og miðstigi. Þeir verða sem hér segir: 7. bekkur 2. júní 6. bekkur 4.júní 5. bekkur 27. og 28. maí 4. bekkur 1. og 4. júní 3. bekkur 8. júní 2. bekkur 8. júní 1. bekkur 8. júní Nánari tímasetningar eru samkvæmt boðun frá umsjónarkennurum.