Fréttir

Kæru foreldrar. Nú er „hreyfistrætóinn“ kominn í gang. Þegar hafa nokkrir foreldrar skráð sig til leiks en betur má ef duga skal. Við hvetjum alla foreldra í til að skrá sig inn á heimasíðu Brekkuskóla (www.brekkuskoli.is) undir tenglinum „Hreyfistrætó“. Þar má einnig sjá kort með leiðunum. Skráningin er einföld og aðgengileg. 1.      Smella HÉR2.      Finna ykkar leið – gula (Helgamagrastræti- Brekkuskóli), rauða (Þórunnarstræti-Ásvegur- Brekkuskóli), græna (Langamýri-Brekkuskóli), bláa (Álfabyggð-Brekkuskóli). 3.      Velja dag sem ykkur hentar . Skrá nafn og símanúmer . Smella á save. Með góðri kveðju, undirbúningsnefnd Nánar má lesa um Hreyfistrætó hér á heimasíðu Brekkuskóla og í bréfi sem foreldrar fengu í tölvupósti síðasta fimmtudag.

Nú á haustdögum mun  verða gerð tilraun með verkefnið „hreyfistrætó“, en megin markmið þess er að hvetja  öll börn til að ganga í skólann og á sama tíma að minnka umferð við Brekkuskóla.  Valdar hafa verið 4 gönguleiðir og merktar inn á kort ásamt  „strætóstöðvum“og er ætlunin að eitt foreldri taki að sér að ganga eina leið einu sinni til tvisvar á 6 vikna tímabili og því fylgja börnunum í skólann og gæta að öryggi þeirra. Eftir því sem nær dregur skólanum bætast fleiri börn við í hópinn en þau bíða á sér merktum "stöðvum" eftir að hópurinn fari framhjá. Stöðvarnar hafa verið staðsettar með það í huga að börn þurfi ekki yfir umferðaþungar götur frá heimili sínu.

Þann 1. september sl. breyttist útivistartími barna og unglinga. Börn yngri en 12 ára mega ekki vera úti eftir kl. 20 og unglingar yngri en 16 ára mega ekki vera úti eftir kl.22. Reglum um útivistartímann er ætlað að standa vörð um hag barna og unglinga og styðja við foreldra í uppeldishlutverki sínu. Mikilvægt er að börn og unglingar fái næga hvíld til að sinna skóla og öðrum þeim fjölmörgu verkefnum sem þau fást við í daglegu lífi sínu. Því er jafnframt mikilvægt fyrir foreldra og aðra uppalendur að huga að „rafrænum útivistartíma“ barna og unglinga, þ.e. tölvu- og farsíma! notkun þeirra á kvöldin. SAMAN-hópurinn hvetur foreldra til að standa saman um útivistartímann og ræða saman og við börn sín og unglinga um þessi mál.    

Í vikunni fór 10. HDM í smá veiðiferð. Fengurinn var síðan krufinn og áhuginn var mikill! Sjá myndir hér...

Foreldranámskeið  fyrir foreldra barna með ofvirkni og/eða  athyglisbrest á aldrinum 5 – 10 ára. PMT- Styðjandi foreldrafærni (Parent Management Training) PMT foreldrafærninámskeið fyrir foreldra barna með með ADHD greiningu og eiga við hegðunarvanda að stríða verður haldið nú í september. Um er að ræða hópnámskeið sem nær yfir 8 vikur, í tvær og hálf klukkustund í senn. Námskeiðið hefst þann  28.september kl. 19.30 til 22.00 og lýkur 16. október. Námskeiðið er haldið í salnum í Brekkuskóla.

9. ÞH úti að læra stærðfræði. Kennarar eru Sævar og Valgerður. Sjá fleiri myndir hér...

Miðvikudaginn 1. sept fer 6. GÞ og föstudaginn 3. sept fer 6. KI í siglingu með Húna II. Nemendur í 6.bekk grunnskólanna á Akureyri fara á haustdögum í vettvangsferð á sjó á bátnum Húna II. Það eru Hollvinir Húna II. sem standa að ferðunum í samstarfi við Háskólann á Akureyri og Skóladeild Akureyrarbæjar með stuðningi frá Saga Capital.

Tímatafla fyrir skólabílinn veturinn 2010-2011 er komin, sjá lesa meira...