Morgunmóttaka hjá 4. bekk á föstudaginn

Næstkomandi föstudag verður 4. bekkur með morgunmóttökuna sína. Morgunmóttökur eru frá klukkan 08:00-09:00 og er þá nokkurskonar opið hús. Foreldrar geta komið með barninu sínu, fengið sér kaffi og brauðbollu í matsalnum og litið við í stofu. Oft eru nemendur með verkefni til sýnis eða kynna það sem þau hafa verið að vinna að. Verðskrá fyrir brauðbollu er 150.- kr og kaffi 50.- kr. Ágóði rennur í sjóð hjá 6. bekk.