Fréttir

Nýjar myndir frá árshátíðinni eru komnar inn hér á vefinn. Lítið við.

Í þriðja bekk hefjum við alla morgna á lestrarstund. Öll börnin eru með bók í skúffunni sinni sem þau lesa í fyrstu 20 mínúturnar.  Þegar þau ljúka við bók læðast þau hljóðlega upp á bókasafn og ná sér í nýtt lesefni. Þau fylgjast vel með hvað hinir eru að lesa og oft vaknar áhugi á skemmtilegri bók sem sessunauturinn er að lesa og bókmenntaumræða skapast í kjölfarið.

Allir morgnar í öðrum bekk byrja með samverustund. Börnin 41 að tölu setjast á gólfið á sinn, ákveðna stað, ásamt kennurunum sínum. Í samverustund ræðum við um hvað er að gerast hverju sinni, förum yfir daginn, leggjum inn námsefni, ræðum atriði úr Uppbyggingarstefnunni, lærum ljóð og þulur og leysum lífsgátuna. Við syngjum mikið og ljúkum samverustund svo með nokkurra mínútna íhugun. Þar með eru allir tilbúnir til að takast á við verkefni dagsins.

Snillinganámskeið er þjálfun í samskiptum, tilfinningastjórn og athygli barna með ADHD Fjölskyldudeild Akureyrarbæjar býður börnum með ADHD að taka þátt í námskeiði til að efla færni á ýmsum sviðum. Námskeiðið er fyrir börn fædd árið 2002 og 2003 og eru 6 börn í hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 2 tíma í senn, í 5 vikur (10 skipti alls) með tveimur þjálfurum.

Heil og sæl kæru foreldrar! Dásamleg vika? Hvað haldið þið ? Jú! Rétt er það :) Liðin skólavika gekk afar ljúflega fyrir sig. Glimrandi vinna og sköpun alla daga hjá kannski óvenju hreinum og fínum börnum ;) Hér er mikið rætt um hreinlæti og handþvott en pumpan á handsprittinu hefur þó ekki enn kiknað undan álaginu :) Nánast allir hafa heimsótt skólahjúkrunarfræðinginn okkar í vikunni þar sem hún ræddi við þau um hreinlæti og kenndi þeim allt um handþvottinn góða.....

Nemendur nýta grimmt allan snjó sem fellur til þessa dagana. Hér má sjá hluta þeirra leikja sem þau taka sér fyrir hendur. Snjómoksturstæki bæjarins hafa hér hjálpað til. Myndirnar tók skólaliði í útigæslu. Þær má nálgast hér.

Skákdagurinn verður haldinn um allt land fimmtudaginn 26. janúar - á afmælisdegi fyrsta stórmeistara Íslendinga Friðriks Ólafssonar.   Á Skákdeginum verður teflt um allt Ísland, til sjávar og sveita. Taflfélög, skákklúbbar, grunnskólar, fyrirtæki, sundlaugar og fleiri sameinast um að það verði teflt sem víðast á Íslandi og sem flestir landsmenn á öllum aldri setjist að tafli. Stefán Kristjánsson nýjasti stórmeistari Íslendinga og Bragi Þorfinnsson landsliðsmaður munu tefla 100 skáka hraðskákeinvígi í Kringlunni. Hjörvar Steinn Grétarsson landsliðsmaður mun tefla við þjóðina gegnum netið. Skákdagurinn verður settur þegar alþjóðlegi meistarinn Björn Þorfinnsson teflir fjöltefli ofan í Laugardalslaug. Allt um Skákdaginn Í Brekkuskóla er búið að draga fram öll töfl sem til eru og ætlum við að helga daginn skáklistinni með umræðum um íþróttina og með því að tefla.

Brekkuskóli fékk stóran hóp í heimsókn í dag frá leikskólanum Hólmasól sem er samstarfsleikskóli Brekkuskóla. Væntanlegir nemendur frá öðrum leikskólum komu einnig í heimsókn og voru gestirnir samtals um 40 talsins. Hópurinn fékk kynningu á skólahúsnæðinu og Frístund í þessari fyrstu heimsókn. Þökkum við þeim öllum kærlega fyrir komuna og hlökkum til að hitta þau aftur í marsmánuði. Nálgast má myndir frá heimsókninni hér.