Fréttir

Vikuna 12. - 16. september ætlum við að hafa gönguátak í skólanum og efna til göngukeppni milli árganga.  Nemendur fá hvatningu til að ganga/hjóla í skólann og merkt verður við alla vikuna hverjir koma gangandi/hjólandi.  Sá árgangur sem stendur sig best fær viðurkenningu. Sjá nánar á http://www.gongumiskolann.is/

PMT foreldrafærninámskeið  (Parent Management Training) hefst þann 4. október nk. Um er að ræða námskeið sem stendur yfir í átta vikur.

Reiðhjól, hjólabretti, línuskautar og hlaupahjól Nemendum er heimilt að koma á reiðhjólum í skólann frá 7 ára.  Það er mjög mikilvægt að gengið sé vel frá hjólum við skólann. Reiðhjól eru alfarið á ábyrgð nemenda og forráðamanna þeirra, einnig er það á ábyrgð foreldranna að nemendur noti öryggishjálm. Umferð reiðhjóla á skólalóð á skólatíma er bönnuð. Hjólaleiktæki önnur en reiðhjól eru á ábyrgð nemenda og forráðamanna þeirra. Því miður verður ekki hægt að geyma þessa hluti inni í skólanum. Umferð/notkun þessara tækja á skólalóð miðast eingögnu við frímínútur/hádegi á malbikaða vellinum austan megin við aðalbyggingu.

Framundan eru kynningarfundir á skólastarfi Brekkuskóla fyrir foreldra. Þeir verða haldnir vikuna 12. - 16. september sem hér segir: 1. bekkur - mánudaginn 12. september 2. - 3. bekkur - þriðjudaginn 13. september 4.- 5. bekkur - miðvikudaginn 14. september 6. - 7. bekkur - fimmtudaginn 15. september 8., 9. og 10. bekkur - föstudaginn 16. september Fundirnir hefjast allir kl. 8:00 að morgni á sal skólans. Gengið er inn í aðalandyri skólans gegnt íþróttahúsi. Eftir stutt innlegg þar fara foreldrar í stofur ásamt umsjónarkennurum þar sem þeir fá kynningu á námi og kennslu í viðkomandi árgangi. Við þetta tækifæri geta foreldrar skipulagt foreldrasamstarf og kosið foreldrafulltrúa fyrir hvern námshóp eða bekk.

Í Brekkuskóla notum við agastjórnunarkerfið "Uppeldi til ábyrgðar". Í stefnunni er mælst til að ákveðin viðbrögð séu notuð þegar barnið fer yfir þau mörk sem skólinn setur. Viðbrögðin eru til að byggja barnið upp með því að leiðbeina því, fremur en að refsa. Hér fyrir neðan er leiðarvísir Brekkuskóla um umgengni og viðbrögð við brotum. Foreldrar geta nýtt sér þennan leiðarvísir í uppeldinu með því að heimfæra hann yfir á umgengni og skýr mörk á heimilinu. Bæklingur - Leiðarvísir um umgengni og skýr mörk í Brekkuskóla.

Svo skemmtilega vill til að nemendum fjölgar ört þessa dagana. Þá er gott að geta blaðað í því sem við höfum upp á að bjóða í valgreinum í 8. - 10. bekk. Hér má nálgast kynningarbæklinginn sem gefinn var út í vor ásamt umsóknareyðublöðum. Umsjón með valgreinum hefur námsráðgjafi skólans Steinunn Harpa Jónsdóttir.

Eins og undanfarin ár munum við biðja ykkur um að svara spurningum til að undibúa samræðu nemenda, foreldra og kennara sem fram fer dagana 22. ágúst og 23. ágúst 2011. Undirbúningurinn fer fram rafrænt á vefsíðunni www.mentor.is.

Skráningar í Frístund sem er dagvistun í skólanum eftir að skóladegi lýkur verða sem hér segir: Fimmtudag 11. ágúst kl. 10 - 14 Föstudag 12. ágúst kl. 10 - 14 Frístund er fyrir nemendur í 1. - 4. bekk. Skráningarnar fara fram í húsnæði Frístundar í Brekkuskóla. Gengið inn að sunnan. Sími í Frístund er 462-2526 Einnig er hægt að nálgast eyðublöð hér fyrir neðan og koma með umsóknina útfyllta. Frístund - Dvalarsamningur umsókn OPIÐ VERÐUR Í FRÍSTUND VIÐTALSDAGANA 22. og 23. ágúst frá kl. 08:00

Námsgagnalistar fyrir skólaárið 2011 - 2012 eru komnir hér á vefinn. Munið að fara í gegnum námsgögn frá fyrri árum og kannið hvað hægt er að nýta.