Fréttir

Þann 16. september 2010, á 70 ára afmæli Ómars Ragnarssonar, var ákveðið að sá dagur yrði upp frá því tileinkaður íslenskri náttúru. Felst í þessu viðurkenning á fram- lagi Ómars til náttúruverndar og almenningsfræðslu um mikilvægi íslenskrar náttúru sem og allra þeirra sem lagt hafa sitt af mörkum til að fræða um íslenska náttúru. Markmiðið með degi íslenskrar náttúru er að beina sjónum landsmanna að hinni ein- stöku náttúru landsins, gögnum hennar og gæðum. Sótt af vef Námsgagnastofnunar http://vefir.nams.is/dagsins/dagur_isl_natturu/index.html

Leitin að Grenndargralinu hefst 12. september Að venju er Leitin í boði fyrir nemendur á unglingastigi í grunnskólum Akureyrar. Í ár er Leitin valgrein og er það í annað skipti frá því að fyrsta Leitin fór fram haustið 2008. Þrátt fyrir nýtt fyrirkomulag er Leitin að Grenndargralinu í boði fyrir alla nemendur í 8.-10. bekk í grunnskólum Akureyrar, óháð því hvort þeir völdu hana sem valgrein eða ekki. Allt sem þarf að gera er að hefja leik þegar fyrsta þraut fer í loftið, fara eftir fyrirmælum, leysa þrautina og skila lausnum til umsjónarmanns með tölvupósti. Fyrir réttar lausnir sendir umsjónarmaður bókstaf til baka sem notaður verður til að mynda lykilorðið. Þetta er endurtekið næstu níu vikurnar eða svo eða þar til kemur að lokavísbendingunni. Þá er Grenndargralið innan seilingar. Einfaldara getur það ekki orðið. Nánari upplýsingar um Leitina 2014 má nálgast á heimasíðu Grenndargralsins; www.grenndargral.is og á fésbókarsíðu Grenndargralsins.

Við í 10.bekk erum að selja skólapeysur til söfnunar fyrir skólaferðalagið okkar. Hver peysa kostar 6000 kr.                     Mátunar/pöntunar dagar eru fimmtudaginn 11. september og föstudaginn 12. september frá kl. 15-18 báða dagana.                                                              Greiða þarf við pöntun, því miður er enginn posi. Bestu kveðjur - peysunefndin J

Á degi læsis 8. september ætla nemendur og starfsfólk Brekkuskóla að velja með starfsfólki upplýsingaversins uppáhalds sögupersónuna sína. Nemendur skrá á miða hvaða sögupersóna kemur fyrst upp í hugann og koma með miðana í upplýsingaverið þar sem kjörkassar verða. Unnið verður úr gögnunum í næstu tölvutímum nemenda skólans.

6. bekkingar fóru í ferð með Húna í ágústmánuði. Ferðin þótti takast vel og það voru ánægð börn sem komu heim með fiskisögur. Myndir úr ferðinni tala sínu máli.

Á útivistardaginn fór 1. bekkur Brekkuskóla í gönguferð í Innbæinn þar sem þau fóru á slóðir Nonna. Þau áðu við Friðbjarnarhús en gengu síðan leið Nonna og aftur að Brekkuskóla. Hér má finna myndir úr ferðalagi þeirra um bæinn sinn.

5. - 10. bekkur gekk Þingmannaleið á útivistardaginn 2. september 2014. Hér má finna myndir frá gönguferðinni. Þingmannaleiðin gamla liggur upp frá bænum Hróarsstöðum, yfir Vaðlaheiði og niður í Eyjafjörð og er oftast komið niður hjá bænum Eyrarlandi. Lagt var af stað kl. 08.30 í rútum og ekið sem leið lá að Systragili þar sem leiðin lá upp heiðina til suðurs.

Nokkrir nemendur Brekkuskóla tóku þátt í Akureyrarvöku með því að leika listir sínar í andyri Ketilhússins og utandyra í Listagilinu. Hér má sjá nokkrar myndir frá viðburðinum.

Haustið 2013 ákvað Kelduskóli í Korpu í Reykjavík að fara í samstarf um Söguna af bláa hnettinum eftir Andra Snæ Magnason. Á síðasta skólaári 2013 - 2014 var svo hafist handa og afraksturinn lét ekki á sér standa. Við verkefnavinnuna nýttu kennarar söguramma eftir Bergþóru aðstoðarskólastjóra Brekkuskóla sem kom út hjá Námsgagnastofnun árið 2001. Öll samskipti fóru fram í gegnum eTwinning gáttina sem er hentugt fyrir þá sem hafa áhuga á samstarfi við kennara í öðrum Evrópulöndum. Sagan af bláa hnettinum hefur komið út á pólsku, færeysku ofl. tungumálum. Nánar um verkefnið í Kelduskóla og myndir frá verkefnavinnunni