Fréttir

Í dag, mánudaginn 22. febrúar komu til okkar gestir frá Spáni. Gestirnir eru meðlimir í Comeniusarverkefni sem við erum aðilar að. Nemendur og kennarar hópsins voru boðnir velkomnir í morgun á sal skólans og fengu hressingu frá íslenska hópnum sem skipaður er nemendum okkar úr spænsku vali í 8. - 10. bekk.

Framundan er vetrarfrí í Brekkuskóla dagana 17. - 19. febrúar. Nemendur mæta aftur í skólann mánudaginn 22. febrúar samkvæmt stundaskrá. Megið þið eiga góða daga framundan með fjölskyldu og vinum. Starfsfólk Brekkuskóla.

Fyrirhugað var að fara í Hlíðarfjall á útivistardaginn þann 16. febrúar 2010, en þeirri ferð hefur verið frestað fram í marsmánuð og verða upplýsingar um það settar hér inn síðar.  

Að lokinni vel heppnaðri árshátíð verður því tekið rólega í dag föstudaginn 12. febrúar 2010. Nemendur ásamt starfsfólki mun nýta daginn í frágang og slaka svo á með ýmsum hætti. Dagurinn mun verða styttri en venjulega hjá 1. - 7. bekk og fara allir heim að loknum hádegisverði. Skoðið myndir frá árshátíðinni og undirbúningi hennar:   yngsta stig           miðstig           unglingastig Í kvöld ætlar 7. - 10. bekkur síðan að loka hátíðinni með balli á sal skólans þar sem hljómsveitin Manhattan og DJ  Doddi Mix stjórna stuðinu frá kl. 20:30 - 24:00. 7. bekkingar verða á ballinu til kl.22:30 Verð 1000 kr. 8. - 10. bekkur og 700 kr. fyrir 7. bekkinga Góða skemmtun!  

Sveit Brekkuskóla sigraði í sveitakeppni barnaskóla sveita á Akureyri og nágrenni sem fór fram í dag. Sveitin fékk 9,5 vinning af 12, hálfum vinningi meira en sveit Glerárskóla sem hefur unnið keppnina síðustu þrjú ár.  Glerárskóli  fékk 9 v. Í þriðja sæti varð sveit Lundarskóla með 5,5 v og í 4. sæti var sveit Valsárskóla með 0 v. Í sveit Brekkuskóla eru þeir Andri Freyr, Ægir, Kristján, Magnús og Mikael Máni. Við óskum skáksveitinni okkar innilega til hamingju með sigurinn! Það skal tekið fram að Akureyrarmót í yngri flokkum hefst mánudag 8. febrúar kl. 16.30. ( Af vef Skákfélags Akureyrar)

Þjálfun í samskiptum, tilfinningastjórn og athygli barna með ADHD Fjölskyldudeild Akureyrarbæjar og ADHD samtökin í samvinnu við Þroska- og hegðunarstöð HH bjóða börnum með ADHD að taka þátt í námskeiði til að efla færni á ýmsum sviðum. Námskeiðið er fyrir börn fædd árið 2000 og 2001 og eru 6 börn í hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 1 og 1/2 tíma í senn, í 5 vikur (10 skipti alls) með tveimur þjálfurum. 

Við hefjum nýtt ár með starfsdegi 4. janúar 2010 og verður Frístund lokuð fyrir hádegi þann dag. Nemendur mæta aftur í skólann þriðjudaginn 5. janúar 2010 samkvæmt stundaskrá. Viðtalsdagur verður miðvikudaginn 13. janúar 2010 og verða boð send foreldrum á fyrstu skóladögum á nýjum ári.

Myndir frá litlu jólunum hafa nú verið settar inn á vefinn okkar. Lesnar voru jólasögur, spilað á hljóðfæri og dansað í kringum jólatré. Smellið hér  og hér.

Þemadagar í 5. - 7. bekk ganga að óskum. Að þessu sinni er það heilbrigði og hollusta sem við beinum sjónum okkar að. Nemendur hafa verið í leikjum úti og inni, í dansi og á skautum í morgun og virtust þau skemmta sér konunglega. Myndir frá einum danshópnum má nálgast hér.