Fréttir

Brynhildur Þórarinsdóttir kom í síðast liðinni viku og las fyrir 1. - 3. bekk úr bók sinni  Blávatnsormurinn sem er á metsölulista Eymundsson um þessar mundir. Gunnar Helgason kemur í heimsókn til 4. og 5. bekkja í Brekkuskóla 21. nóvember kl. 10:40 - 11:40 og les upp úr sögunni  Aukaspyrna á Akureyri sem einnig er á lista yfir söluhæstu bækur um þessar mundir. Bókin er æsispennandi saga sem stelpur og strákar um allt land hafa beðið óþreyjufull eftir síðan þau lögðu frá sér Víti í Vestmannaeyjum. Frá upplestrinum. Þorgrímur Þráinsson kemur í heimsókn til okkar 22. nóvember næstkomandi og mun lesa upp úr verkum sínum . Nýjasta bók Þorgríms er "Krakkinn sem hvarf" . Frá upplestrinum. Hann hittir nemendur sem hér segir: kl. 08:00 - 9:20 10. SGP í stofu 316 kl. 09:40 - 11:00 10. SÁ í stofu 316 kl. 11:20 - 12:00 4. og 7. bekkir í stofu 202-203 kl. 13:10 - 13:50 5. - 6. bekkur á sal

Í dag kom fulltrúi frá foreldrafélagi Brekkuskóla og afhenti nemendum örbylgjuofn og samlokugrill að gjöf. Tækin verða staðsett í sjoppu skólans sem 10. bekkur rekur ár hvert. "Vinum Brekkuskóla" sem er heiti á sjóði foreldrafélags skólans og styrktur af foreldrum eru færðar bestu þakkir fyrir.

Helgina 10. - 11. nóvember 2012 fór fram píanókeppni Epta í Salnum í Kópavogi, en Epta eru samtök evrópskra píanókennara. Keppt varr í þremur flokkum: 1. flokkur 14 ára og yngri, 2. flokkur 18 ára og yngi og 3. flokki 25. ára og yngri. Fulltrúi Tónlistarskólans á Akureyri var hinn 14 ára gamli Alexander Smári Kristjánsson Edelstein 9. SS Brekkuskólasem keppti í fyrsta flokki en kennari hans er Þórarinn Stefánsson sem er foreldri hér við skólann. Skemmst er frá því að segja að Alexander Smári sigraði í sínum flokki. Starfsfólk og nemendur Brekkuskóla óskar Alexander og Þórarni innilega til hamingju með frábæran árangur.

Föstudagurinn 16. nóvember er tileinkaður íslenskri tungu. Að tillögu menntamálaráðherra ákvað ríkisstjórn Íslands, haustið 1995, að 16. nóvember ár hvert, sem er fæðingardagur Jónasar Hallgrímssonar, yrði dagur íslenskrar tungu. Í framhaldi af því hefur menntamála- og menningarmálaráðuneytið árlega beitt sér fyrir sérstöku átaki í þágu íslensks máls og helgað þennan dag rækt við það. Með því móti beinist athygli þjóðarinnar að stöðu tungunnar, gildi hennar fyrir þjóðarvitund og alla menningu.

Í Brekkuskóla er unnið þróunarverkefni sem ber yfirskriftina "Rafrænt nám í Brekkuskóla". Það gengur út á það að þróa aðferðir til að auka fjölbreytni í kennslu með aðstoð tölvu- og upplýsingatækni. Meginmarkmið með verkefninu er m.a.: - að efla sjálfstæði nemenda í námi - að auka gæði og fjölbreytni í kennsluaðferðum - að fækka niðurfelldum kennslustundum nemenda - að auka þekkingu og efla endurmenntun kennara á sviði upplýsinga- og samskiptatækni - að nemendur læri að nýta tölvu- og upplýsingatækni í námi á hagnýtan hátt í einstaklingsmiðuðu námi - að bæta líðan og  áhuga nemenda  í námi - að meta allt vinnuframlag nemenda óháð staðsetningu og taka tillit til þess í heildarskipulagi námsins - að skipuleggja hluta náms nemenda sem rafrænt nám með aðgangi að tölvuveri og leiðbeinandi aðstoð frá kennara

Myndir frá árshátíðinni eru að koma inn hægt og bítandi í tenglinum "Myndir" hér að ofan.

Nokkrir drengir í 10. bekk völdu sér að aðstoða við kennslu í 1. bekk í aðdraganda árshátíðar. Þeim tókst verkefnið vel á hendur. Þessi starfskynning var kærkomin fyrir þá sem fundu sig ekki í skemmtiatriðum eða undirbúningi árshátíðar. Takk fyrir aðstoðina drengir! Sjá myndir frá kennslustund

Fréttabréf Brekkuskóla er nú komið út í aðeins breyttri mynd. Helsta breytingin felur í sér dagatal mánaðarins þar sem fram kemur matseðill og helstu viðburði nóvembermánaðar. Fréttabréf skólans má nálgast hér.

Lokaæfingar (Generalprufur) verða deginum áður, miðvikudaginn 7. nóvember sem hér segir: 08:20    3. bekkur 08:40    2. bekkur 09:00    1. bekkur 09:20    7. - 8. bekkur 10:00    5. bekkur 10:30    10. bekkur 11:40     4. bekkur 12:30    9. bekkur Foreldrar sem alls ekki sjá sér fært að mæta á árshátíðardaginn er velkomið að koma og horfa á lokaæfingur þennan dag. Sjáumst í skólanum! Nemendur og starfsfólk Brekkuskóla

Í samráði við foreldrafélag skólans er skipulag foreldrastarfs í Brekkuskóla er með þeim hætti að mælst er til að hver árgangur standi fyrir þremur uppákomum yfir veturinn. Foreldrar skiptu sér á haustdögum í þrjá hópa og hver hópur sér um eina uppákomu fyrir allan árganginn. Viðmiðið er að fyrsta uppákoman sé í október/nóvember, næsta uppákoma sé í janúar/febrúar og sú síðasta í mars/apríl.  Í hverjum hópi er eru foreldrar eins barns ábyrgir fyrir að kalla hópinn saman og eru þeir gulmerktir í skjalinu hér að neðan. Að öðru leyti bera foreldrar jafna ábyrgð á framkvæmd atburðanna. Ef sá sem á að kalla hópinn saman gleymir sér bera hinir í hópnum ábyrgð á að minna hann á eða boða til fundar. Nú er fyrsta tímabil foreldrastarfs hálfnað. Nálgast má lista yfir foreldrahópana þrjá í hverjum árgangi hér.