3. fundur foreldrafélags Brekkuskóla skólaárið 2014-2015

Mánudagur 1. desember Mætt: Sigmundur, Hafdís, Gísli, Ragnheiður, Bergljót og Bergþóra, aðstoðarskólastjóri Rætt um fræðslu um netöryggi á komandi ári. Sérfræðingur frá Advania sér um fræðsluna án endurgjalds. Fræðslan verður í boði fyrir foreldra allra nemenda í skólanum. Sú hugmynd kom frá Bergþóru að virkja nemendaráð skólans á þessu fræðslufundi, fá nemendur til að segja frá sinni tölvunotkun, kostum og göllum ýmissa forrita eða appa sem eru vinsæl meðal barna og unglinga. Tilboð í íþróttatreyjur kynnt og ákveðið að ræða við íþróttakennara nánar um fjölda, stærðir og útlit
Rætt um leikfimisaðstöðu í íþróttahöllinni, en kennarar fá ekki að nýta allt rýmið frekar en í fyrra þar sem skólinn er ekki að greiða f. allt rýmið. Tekið fram að nemendur í Lundarskóla eru að nýta allt pláss á gólfi KA-heimilis. Þetta verður skoðað fyrir næsta fund og haft samband við íþróttakennara vegna þessa.
Fulltrúi Heimilis og skóla er til í að koma með fræðslu fyrir bekkjarfulltrúa um bekkjarsáttmálann sem ætlunin er að innleiða í Brekkuskóla. Fulltrúar Heimilis og skóla eru á ferðinni í byrjun febrúar með fræðslu f. nemendur í 6. bekk og foreldra þeirra um netnotkun og mögulegt að nýta þá ferð. Málið í skoðun. Tengt þessu er nýyfirstaðið skólaþing í Brekkuskóla en skýrsla um þingið inniheldur upplýsingar sem mögulegt er að nýta í tengslum við foreldrafundi um bekkjarsáttmála.