Fréttir

Miðvikudaginn 28. nóvember ætla nemendur í 10.bekk að halda sparifataball fyrir nemendur á yngsta- og miðstigi.

Þriðjudaginn 30.10.2018 (e.kl. 8) verður unnið við að setja upp nýtt símkerfi í Brekkuskóla. Við biðjumst velvirðingar á því að þetta getur valdið truflunum. Við hvetjum fólk til að senda okkur tölvupóst ef ekki næst í okkur í síma, netfangið: brekkuskoli@akureyri.is Við sendum upplýsingar um leið og þessari vinnu verður lokið.

7. bekkur tók þátt í Norræna plastkapphlaupinu en það er kennsluhugmynd, þar sem athyglinni er beint að plastmengun í náttúrunni og gripið til aðgerða gegn henni. Þetta er kapphlaup við tímann – fyrir framtíð okkar allra og móður jörð. Krakkarnir stóðu sig vel og söfnuðu á 15 mínútum rusli sem fór í 3 fulla svarta ruslapoka.

Í dag var forvarnardagurinn haldinn í Brekkuskóla eins og í flestum skólum landsins. Forvarnardagurinn er haldinn á hverju hausti og er sérstaklega beint að unglingum í 9. bekk. Nemendur í 9. bekk í Brekkuskóla ræddu í hópum um hugmyndir sínar og tillögur um æskulýðs- og íþróttastarf og fjölskyldulíf sem eflir forvarnir.

Í morgun fengu nemendur í 1. bekk í hendur bréf sem þeir geta farið með á næsta almenningsbókasafn og fengið bók að gjöf. Er þetta í þriðja sinn sem IBBY gefur öllum sex ára börnum bók.