Í dag, mánudaginn 22. febrúar komu til okkar gestir frá Spáni. Gestirnir eru meðlimir í Comeniusarverkefni sem við erum aðilar að.
Nemendur og kennarar hópsins voru boðnir velkomnir í morgun á sal skólans og fengu hressingu frá íslenska hópnum sem skipaður er nemendum
okkar úr spænsku vali í 8. - 10. bekk.
Eftir móttökuna lá leiðin niður í ráðhús Akureyrar þar sem bæjarstjórinn tók á móti öllum
hópnum. Næstu þrjá daga munu Spánverjarnir sitja tíma með okkar nemendum og vinna sín eigin verkefni. Á föstudaginn er meiningin
að þau vinni að sínum eigin verkefnum, fari í sund og að lokum í sveitaferð.
Nemendur Brekkuskóla voru mjög spenntir og uppnumdir yfir þessari heimsókn og gestirnir yfri sig hrifnir af öllum snjónum! Hér heyrist spænska,
enska og íslenska í bland og gerir andrúmsloftið enn litríkara.
